QR zańnamasyna sáıkes elimizde neke jasy tek 18 jastan joǵary bolyp tabylady. Al 18 jasqa tolmaǵan tulǵa ata-anasynyń jazbasha kelisimi, mindetti shart bolyp tabylady.
Jelidegi oqyrman Symbat Abaıqyzynyń ınsta paraqshasynda meshit aldyndaǵy sýretine "Nekeni 18 jastan bastap qımaıdy ma?", "16 jastaǵy qyzdyń nekesin qaı ımam qıǵan?" degen syndy pikir qaldyrýda.
Qazaqstan musylmandary dinı basqarmasynyń Mańǵystaý oblysy boıynsha ókildigi Abaı Begeıdiń qyzy meshitte nekesin qıdyrmaǵanyn habarlady.
"Aqtaý qalasynda kámelet jasqa tolmaǵan qyzdyń nekesine qatysty áleýmettik jelide taraǵan aqparatqa qatysty Qazaqstan musylmandary dinı basqarmasynyń Mańǵystaý oblysy boıynsha ókildigi neke qııý rásimi meshitte bolmaǵanyn anyqtady. Meshit ımamdary kámelet jasqa tolmaǵan qyzdyń nekesin qımaǵan. Meshitke kelip, qulshylyq úıin aralaýǵa, aýlasynda sýretke túsýge shekteý qoıylmaıdy. Jastardyń meshitke kelip, estelikke sýretke túskeni belgili boldy. Qazaqstan musylmandary dinı basqarmasynyń qabyldaǵan «Meshit ımamdarynyń neke qııý tártibi» qujatyna sáıkes otbasy qurǵysy keletin azamattar áýeli AHAT bólimi arqyly zańdy nekege otyrýy tıis. Nıke qııý rásimine bolashaq erli-zaıyptylardyń ata-anasy nemese olardyń zańdy ókilderi qatysýy mindetti. Dinı nekege ata-analarynyń nemese zańdy ókilderiniń kelisimi kerek. Olaı bolmaǵan jaǵdaıda meshitte dinı neke qıylmaıdy", - delingen habarlamada.
