قر زاڭناماسىنا سايكەس ەلىمىزدە نەكە جاسى تەك 18 جاستان جوعارى بولىپ تابىلادى. ال 18 جاسقا تولماعان تۇلعا اتا-اناسىنىڭ جازباشا كەلىسىمى، مىندەتتى شارت بولىپ تابىلادى.
جەلىدەگى وقىرمان سىمبات ابايقىزىنىڭ ينستا پاراقشاسىندا مەشىت الدىنداعى سۋرەتىنە "نەكەنى 18 جاستان باستاپ قيمايدى ما؟", "16 جاستاعى قىزدىڭ نەكەسىن قاي يمام قيعان؟" دەگەن سىندى پىكىر قالدىرۋدا.
قازاقستان مۇسىلماندارى ءدىني باسقارماسىنىڭ ماڭعىستاۋ وبلىسى بويىنشا وكىلدىگى اباي بەگەيدىڭ قىزى مەشىتتە نەكەسىن قيدىرماعانىن حابارلادى.
"اقتاۋ قالاسىندا كامەلەت جاسقا تولماعان قىزدىڭ نەكەسىنە قاتىستى الەۋمەتتىك جەلىدە تاراعان اقپاراتقا قاتىستى قازاقستان مۇسىلماندارى ءدىني باسقارماسىنىڭ ماڭعىستاۋ وبلىسى بويىنشا وكىلدىگى نەكە قيۋ ءراسىمى مەشىتتە بولماعانىن انىقتادى. مەشىت يمامدارى كامەلەت جاسقا تولماعان قىزدىڭ نەكەسىن قيماعان. مەشىتكە كەلىپ، قۇلشىلىق ءۇيىن ارالاۋعا، اۋلاسىندا سۋرەتكە تۇسۋگە شەكتەۋ قويىلمايدى. جاستاردىڭ مەشىتكە كەلىپ، ەستەلىككە سۋرەتكە تۇسكەنى بەلگىلى بولدى. قازاقستان مۇسىلماندارى ءدىني باسقارماسىنىڭ قابىلداعان «مەشىت يمامدارىنىڭ نەكە قيۋ ءتارتىبى» قۇجاتىنا سايكەس وتباسى قۇرعىسى كەلەتىن ازاماتتار اۋەلى احات ءبولىمى ارقىلى زاڭدى نەكەگە وتىرۋى ءتيىس. نيكە قيۋ راسىمىنە بولاشاق ەرلى-زايىپتىلاردىڭ اتا-اناسى نەمەسە ولاردىڭ زاڭدى وكىلدەرى قاتىسۋى مىندەتتى. ءدىني نەكەگە اتا-انالارىنىڭ نەمەسە زاڭدى وكىلدەرىنىڭ كەلىسىمى كەرەك. ولاي بولماعان جاعدايدا مەشىتتە ءدىني نەكە قيىلمايدى", - دەلىنگەن حابارلامادا.
