Bır kezde "Nūrsūltan" atalǧan el astanasyndaǧy Qazaqstannyŋ bas meşıtıne dıni basqarma «Nūrsūltan meşıtı» atauyn berdı, dep habarlaidy «Adyrna» tılşısı.
«Qazaqstan mūsylmandary dıni basqarmasy Bas respublikalyq meşıtke «Nūrsūltan meşıtı» atauy berılgenın habarlaidy. Osyǧan bailanysty jaŋa atau resmi türde qoldanysqa engızıledı», – delıngen habarlamada.
Basqarma ökılderınıŋ mälımetınşe, Bas respublikalyq meşıt jaŋa ataumen de halyqtyŋ ruhani ömırıne qyzmet etudı jalǧastyrady. Sondai-aq qoǧamdaǧy özara qūrmet pen yntymaqtastyqty nyǧaituǧa, dästürlı ruhani qūndylyqtardy saqtauǧa jäne igı bastamalardy damytuǧa öz ülesın qosa bermek.
«Meşıt halyq bırlıgın nyǧaituǧa, beibıtşılık pen kelısımdı ılgerıletuge, ızgılık pen meiırımdılık qūndylyqtaryn taratuǧa, sondai-aq iman men adamgerşılıkke negızdelgen igı bastamalardy qoldauǧa qyzmet etedı. Jaŋa ataumen Bas respublikalyq meşıt halyqtyŋ ruhani ömırıne qyzmet etudı jalǧastyryp, qoǧamdaǧy özara qūrmet pen yntymaqty nyǧaituǧa, dästürlı ruhani qūndylyqtardy saqtauǧa jäne ızgı bastamalardy damytuǧa üles qosa beredı», – dep mälımdedı QMDB.
Būǧan deiın 2012 jyly Astanada aşylǧan meşıtke sol kezdegı prezidenttıŋ ūsynysymen "Hazıret Sūltan" atauy berılgen bolatyn.
Aita keteiık, 6 şılde – Qazaqstannyŋ eks-prezidentı Nūrsūltan Nazarbaevtyŋ tuǧan künı. Biyl eks-basşy 86 jasqa tolady. Ol 1989 jyly bilıkke kelıp, 30 jylǧa juyq el prezidentı bolǧan edı. Nazarbaev 2022 jyldyŋ 5 qaŋtaryna deiın Qauıpsızdık keŋesı töraǧasy bolyp otyrdy, 2023 jyldyŋ qazanyna deiın Elbasy statusy saqtaldy. Ol 2019 jyly prezidenttıkten keterde Astana qalasy "Nūrsūltan" atalǧan jäne oblys ortalyqtaryndaǧy ortalyq köşelerdıŋ aty Nazarbaevtyŋ atyna berılgen. Alaida 2022 jylǧy Qaŋtar oqiǧasynan keiın el astanasy qaitadan būrynǧy atauyn ielengen. Alaida oblys ortalyqtaryndaǧy köşe ataulary jäne Nazarbaev atyndaǧy universitet jäne mektep ataulary qala bergen. Ol bilıkten ketken soŋ köpşılık ortasyna köp şyqqan joq. Tek bırneşe märte qazır aty berılgen meşıtte bolǧan jäne sailaular men referendumdar kezınde ǧana köp aldynda körıngenı belgılı. Inısı Bolat Nazarbaev qaitys bolǧanda bırer märte köp aldyna şyqqany bolmasa, Nazarbaevtyŋ bilıkten ketkennen keiıngı ömırı qoǧam üşın jūmbaq. Bertınde Nazarbaevtyŋ "Menıŋ ömırım" atalatyn memuary qazaq jäne orys tılderınde jaryq körgen.
