Joǵarǵy sot eks-prezıdent Nursultan Nazarbaevtyń baılyǵyn qaraýdan bas tartty, dep habarlaıdy "Adyrna" ulttyq portaly.
Qazaqstandyq Qaıyrgeldi Smaǵulov Nazarbaevtyń memleketti basqarǵan jyldarynda jınaǵan múlkin memleket paıdasyna óndirip alýǵa baǵyttalǵan talap qoıyp, aryz jazǵan bolatyn.
Sot azamattyń aryzyn odan ári qaraýǵa negiz joq dep tapty.
"Ótinishtiń dálelderin zerdeleı kele, sýdıa sot aktilerin qaıta qaraýǵa negiz joq dep esepteıdi", – delingen Joǵarǵy sot habarlamasynda.
Buǵan deıin de elordalyq turǵyn Smaǵulov eks-prezıdentke eki ret aryz jazǵan. Onyń sózinshe, Nazarbaevtyń prezıdent retindegi áreketteri búkil adamzatqa qaýip tóndirgen.
Alǵashy aryzdar boıynsha Joǵarǵy sot Qaıyrgeldi Smaǵulovtyń eks-prezıdent Nursultan Nazarbaevqa qarsy “múlkin memleket paıdasyna óndirý” týraly aryzyn qaraýdan bas tartty. Sebebi "Qazaqstan Respýblıkasynyń Prezıdenti týraly" zańda Nazarbaevty prezıdent retindegi ókilettikterin oryndaýǵa baılanysty áreketteri úshin jazalaýǵa bolmaıdy.
