Qarasai audandyq sotynyŋ şeşımımen Bolat Nazarbaevtyŋ ielıgınde bolǧan "Barys" bazary qaitaryldy. Sot şeşımımen jalpy kölemı 37,6 gektar jer telımderın ("Barys" avtobazary) satyp alu jäne satu şarttary jaramsyz dep tanyldy, dep habarlaidy "Adyrna" ūlttyq portaly.
Sottyŋ baspasöz qyzmetınıŋ aituynşa, dauly mäselege qatysty naqty şeşım 17 säuırde jariialanǧan. Qarasai audany prokuraturasynyŋ jer telımderın satu turaly şarttardy jaramsyz dep tanu talap-aryzy qarastyryldy. Nätijesınde, Sot qazysy Ahmetova A.B. talap-aryzdy maqūldady.
Esterıŋızge sala keteiık, prokuratura, jergılıktı äkımdık jäne Bolat Nazarbaev arasyndaǧy jer menşıgıne qatysty ıs nauryz soŋynda bastalǧan edı.
Derekterge süiensek, 2004-2019 jyldar aralyǧynda jer telımderın satu boiynşa 7 kelısımşart jasalǧan. Memleket jerlerı är uaqytta Qarasai audany, Qaskeleŋ äkımdıgı jäne audandyq jer qatynastary bölımıne berılgen.
Alaida jer telımderın beru kezınde öreskel zaŋbūzuşylyqtar bolǧan. Sondyqtan prokurorlar satyp alu-satu kelısımderın jaramsyz dep tanyp, jerdı qaitadan memleket menşıgıne qaitarudy talap ettı.
"Adyrna" ūlttyq portaly
Ūqsas jaŋalyqtar
jemqorlyq
aqşa
Qaskeleŋ
nazarbaevtar äuletı
Bolat Nazarbaev
sot şeşımı
äulet
äleumettık problema
barys avtobazary
qarasai
