Būqaralyq aqparat qūraldary qyzmetkerlerı künı qarsaŋynda Almaty qalasynda media salasy ökılderın marapattau räsımı öttı.
Prezidenttıŋ atynan memlekettık nagradalardy Premer-ministrdıŋ orynbasary – Mädeniet jäne aqparat ministrı Aida Balaeva tabystady.
Ükımet basşysynyŋ orynbasary sala ökılderın qūttyqtap, 25 mausym künı Aqordada ötken marapattau räsımınde Memleket basşysy būqaralyq aqparat qūraldary qyzmetkerlerınıŋ eŋbegıne joǧary baǧa berıp, olarǧa rizaşylyǧyn bıldırgenın atap öttı.
«Barşaŋyzǧa belgılı, künı keşe Memleket basşysy Qasym-Jomart Toqaev Aqordada BAQ ökılderımen kezdesıp, jurnalisterge memlekettık nagradalar, BAQ salasyndaǧy syilyqtar men granttar tabystady. Prezident öz sözınde aqparat salasy qyzmetkerlerınıŋ eŋbegıne joǧary baǧa berıp, el damuy jolyndaǧy maŋyzdy qyzmetterı üşın rizaşylyǧyn bıldırdı. Al bügın bız Almatyda el igılıgı jolynda tabandy eŋbek etıp jürgen aqparat salasynyŋ maitalmandaryna qūrmet körsetıp otyrmyz», – dedı Premer-ministrdıŋ orynbasary.
Aida Balaeva memleket sala qyzmetkerlerıne jüielı türde qoldau körsetıp, olardyŋ käsıbi damuyna jäne äleumettık qorǧalu deŋgeiın arttyruǧa qajettı jaǧdai jasap kele jatqanyn aitty.
Prezidenttıŋ qoldauymen keiıngı üş jylda Astana qalasynda 200 jurnalist baspanamen qamtamasyz etıldı. Biyl būl bastama elımızdıŋ barlyq öŋırın qamtyp, aqparat salasynyŋ 66 qyzmetkerıne päter berıledı.
Sonymen qatar jurnalistikanyŋ sapasyn arttyruǧa jäne şyǧarmaşylyq ızdenıstı yntalandyruǧa baǧyttalǧan «Ürker» ūlttyq syilyǧy men «Tūmar» televiziialyq syilyǧynyŋ da maŋyzy erekşe.
«Tūrǧyn üi baǧdarlamalary, memlekettık syilyqtar men granttar, käsıbi baiqaular jäne basqa da qoldau şaralarynyŋ barlyǧy mass-media qyzmetkerlerınıŋ äleumettık märtebesın nyǧaityp, elımızdıŋ aqparattyq keŋıstıgınıŋ sapaly damuyna qolaily jaǧdai jasauǧa baǧyttalyp otyr. Memleket aqparat salasyn strategiialyq maŋyzy bar baǧyt retınde qarastyrady. Sondyqtan jurnalisterdı qoldauǧa arnalǧan mūndai jüielı jūmystar aldaǧy uaqytta da jalǧasatyn bolady», – dedı Aida Balaeva.
Saltanatty ıs-şara barysynda otandyq jurnalistikanyŋ damuyna qosqan ülesı üşın media salasynyŋ qyzmetkerlerıne «Parasat», «Qūrmet» ordenderı, «Eren eŋbegı üşın», «Şapaǧat» medaldary, sondai-aq Qazaqstan Respublikasy Prezidentınıŋ Alǧysy tabystaldy.
Marapattalǧandar tızımı:
İmanbai Jūbai – «Parasat» ordenı
Altyn İmanbaeva – «Qūrmet» ordenı
Zūlhaiat Mahanova – «Qūrmet» ordenı
Baǧdathan Müptekeqyzy – «Qūrmet» ordenı
Firuza Perzadaeva – «Qūrmet» ordenı
Serık Üsen – «Qūrmet» ordenı
Bolatbek Asanbaev – «Eren eŋbegı üşın» medalı
Larisa Asharova – «Eren eŋbegı üşın» medalı
Toqtar Jaqaşov – «Eren eŋbegı üşın» medalı
Nail İşmuhametov – «Eren eŋbegı üşın» medalı
Oleg Kostomarov – «Eren eŋbegı üşın» medalı
Limara Qazieva – «Eren eŋbegı üşın» medalı
Aleksandr Nezdemkovskii – «Eren eŋbegı üşın» medalı
Baian Ältai – «Şapaǧat» medalı
