Almatydaǵy Halyk Arena muz aıdynynda órt shyqty, dep habarlaıdy "Adyrna" ulttyq portaly Tengrinews.kz-ke siltep.
Jeli qoldanýshylarynyń aıtýynsha, balalar osy jerde hokkeımen aınalysady. Al jattyqtyrýshylar jattyǵýlardyń toqtatylǵany týraly ata-analarǵa habarlap, oqıǵa ornynan vıdeo jibergen.
Almaty qalasy Tótenshe jaǵdaılar departamenti (TJD) órt týraly aqparatty rastady.
"Órt týraly habarlama 27 aqpan kúni saǵat 12:35-te tústi. Órt sóndirýshiler kelgenge deıin ákimshilik kabınette (3-blok, ekinshi qabat) bastalǵan órtti qyzmetkerler óz kúshimen sóndirgen. Jalyn 8 sharshy metr aýmaqty sharpyǵan. Zardap shekkender joq," – dep málimdedi TJD ókilderi.
