Qazaqstan men Qyrǵyzstan Jambyl oblysynyń sýarmaly jerine sý berý týraly kelisimge keldi, dep habarlaıdy "Adyrna" ulttyq portaly. Bul týraly QR Sý resýrstary jáne ırrıgaııa mınıstrligi málimdedi.
Bishkekte ótken kezdesýde elimizdiń múddesin Sý resýrstary jáne ırrıgaııa mınıstri Nurjan Nurjigitov qorǵady. Kelissózder qorytyndysy boıynsha Talas ózenindegi «Túıte» kanaly arqyly sý berýdi qalpyna keltirý boıynsha is-sharalar atqarý týraly sheshim qabyldandy.
QR Sý resýrstary jáne ırrıgaııa mınıstri Nurjan Nurjigitovtiń Qyrǵyz Respýblıkasynyń Aýyl sharýashylyq mınıstri Asqarbek Jánibekovpen kezdesýi kezinde Shý jáne Talas ózenderindegi memleketaralyq paıdalanýdaǵy sý sharýashylyǵy qurylystaryn paıdalaný jónindegi birlesken Komıssııaǵa tıisti tapsyrma berildi.
Sondaı-aq, Nurjan Nurjigitov elimizge sý jiberýdi jaqsartý úshin memleketaralyq paıdalanýdaǵy sý sharýashylyǵy nysandarynyń tizbesin keńeıtý qajettigin atap ótti. Máselen, qazaqstandyq tarap osy tizbege Kúrkiresý ózenindegi qurylystarymen «Aqmolda», «Qarataqy» jáne «Tómentamǵa» arnalaryn, Shý ózenindegi «Kolos» kanalyn jáne Talas ózenindegi qurylystarymen birge «Koj» kanalyn engizýdi usynady.
«Ózderińiz biletindeı, bıyl Jambyl oblysynyń sharýalary Shý jáne Talas ózenderiniń basseınderinde sýarmaly sý tapshylyǵyn sezindi. Sondyqtan osyndaı jaǵdaıdyń qaıtalanýyna jol bermeý úshin qyrǵyz áriptesterimizben birge Shý jáne Talas ózenderiniń basseınderinde kelesi vegetaııalyq kezeńdi durys josparlaý boıynsha jumysty aldyn ala jasaý óte mańyzdy», – dedi QR Sý resýrstary jáne ırrıgaııa mınıstri Nurjan Nurjigitov.
Shý jáne Talas ózenderinde memleketaralyq paıdalanýdaǵy sý sharýashylyǵy qurylystaryn paıdalaný jónindegi birlesken Komıssııanyń kelesi otyrysy 14 jeltoqsanda Almaty qalasynda ótedi.
Esterińizge sala keteıik, osyǵan deıin Nurjan Nurjigitov ózbekstandyq áriptesterimen kezdesýde 1 sáýirge deıin Túrkistan jáne Qyzylorda oblystaryna 11,1 tekshe shaqyrym sý, onyń ishinde Aral teńizine 1,6 mlrd tekshe metr sý jiberý týraly kelisimge kelgen bolatyn.
