Qairat Sätjanov bokstan Qazaqstan erler qūramasynyŋ bas bapkerı bolyp taǧaiyndaldy. Būl turaly Qazaqstan boks federasiiasy mälımdedı, dep habarlaidy “Adyrna” ūlttyq portaly.
«Qazırgı uaqytta jaŋa jattyqtyruşylar qūramy jasaqtaluda, onyŋ ışınde: şeteldık keŋesşı jattyqtyruşylar, dene şynyqtyru boiynşa jattyqtyruşy, sondai-aq ǧylymi top bar», - dep habarlady boks federasiiasy.
Qairat Sätjanov 54 jasta. Ol bokstan Qazaqstan Respublikasynyŋ eŋbek sıŋırgen jattyqtyruşysy. 2021-2022 jyldary ol ūlttyq qūramany jattyqtyrsa, 2024 jyldan bastap jastar qūramasynyŋ aǧa jattyqtyruşysy boldy.
«Jeke bapker retınde Qairat Sätjanov bokstan jetı älem jäne 43 Aziia chempionyn daiyndady», - dep atap öttı federasiia.
Būl rette bas jattyqtyruşynyŋ jeke şäkırtterınıŋ boluyna tyiym salynady degen talap engızıldı.
Aita keteiık, būǧan deiın Olimpiadadaǧy sätsızdıkten keiın bokstan Qazaqstan qūramasynyŋ basşylyǧynda özgerıster bolǧan edı.
