Qaırat Sátjanov bokstan Qazaqstan erler quramasynyń bas bapkeri bolyp taǵaıyndaldy. Bul týraly Qazaqstan boks federaııasy málimdedi, dep habarlaıdy “Adyrna” ulttyq portaly.
«Qazirgi ýaqytta jańa jattyqtyrýshylar quramy jasaqtalýda, onyń ishinde: sheteldik keńesshi jattyqtyrýshylar, dene shynyqtyrý boıynsha jattyqtyrýshy, sondaı-aq ǵylymı top bar», - dep habarlady boks federaııasy.
Qaırat Sátjanov 54 jasta. Ol bokstan Qazaqstan Respýblıkasynyń eńbek sińirgen jattyqtyrýshysy. 2021-2022 jyldary ol ulttyq quramany jattyqtyrsa, 2024 jyldan bastap jastar quramasynyń aǵa jattyqtyrýshysy boldy.
«Jeke bapker retinde Qaırat Sátjanov bokstan jeti álem jáne 43 Azııa chempıonyn daıyndady», - dep atap ótti federaııa.
Bul rette bas jattyqtyrýshynyń jeke shákirtteriniń bolýyna tyıym salynady degen talap engizildi.
Aıta keteıik, buǵan deıin Olımpıadadaǵy sátsizdikten keıin bokstan Qazaqstan quramasynyń basshylyǵynda ózgerister bolǵan edi.
