10 qazanda Duşanbe qalasynda ötken TMD memleket basşylary keŋesınıŋ otyrysynda Täuelsız Memleketter Dostastyǧy (TMD) jaŋa özara ıs-qimyl formatyn – «TMD plius» (TMD+) engızu turaly şeşım qabyldady. Jaŋa formatty Qazaqstan Prezidentı Qasym-Jomart Toqaev ūsyndy, dep habarlaidy “Adyrna”.
Jaŋa format üşınşı elder men halyqaralyq ūiymdardyŋ TMD memleketterımen ortaq müdde tūrǧysynan yntymaqtastyq ornatuyna mümkındık beredı. Būl TMD şeŋberınde ötetın ıs-şaralarǧa syrt elderdıŋ qatysuyn qarastyratyn aşyq jäne ikemdı mehanizm bolmaq.
«Şeşımde TMD aiasynda ötkızıletın ıs-şaralarǧa müddelı taraptardy şaqyru tärtıbı men qatysu formaty, sondai-aq yntymaqtastyq ornatu jönındegı ötınışterdı qarau tärtıbı belgılenedı», – dep mälımdedı atqaruşy komitettıŋ baspasöz qyzmetı.
TMD atynan ıs-şaralarǧa üşınşı taraptardy şaqyru qūqyǧy töraǧalyq etuşı memleketke berıledı. Degenmen, būl üşın Dostastyqqa müşe basqa elderdıŋ qarsylyǧy bolmauy tiıs. Sonymen qatar, jaŋa format şeŋberınde yntymaqtastyq ornatuǧa müddelı taraptardyŋ ötınışterın qarau tärtıbı men qatysu erejelerı de anyqtalǧan.
Būǧan deiın Resei prezidentınıŋ kömekşısı Iýrii Uşakov mūndai formattar öŋırlık ūiymdarda jiı qoldanylatynyn atap ötken. Ol mysal retınde ŞYŪ+ (Şanhai Yntymaqtastyq Ūiymy) jäne BRİKS+ formattaryn keltırgen.
Sammit barysynda barlyǧy 19 qūjatqa qol qoiyldy. Olardyŋ qatarynda 2030 jylǧa deiıngı äskeri yntymaqtastyq tūjyrymdamasy, syrtqy şekaralarda şekara qauıpsızdıgın küşeitu jönındegı baǧdarlama, öŋırlık energetikalyq qauıpsızdıktı qamtamasyz etu salasyndaǧy yntymaqtastyq deklarasiiasy bar.
2026 jylǧy qaŋtardan bastap TMD-ǧa töraǧalyq Türıkmenstanǧa ötetını şeşıldı. Sondai-aq TMD Bas hatşysy Sergei Lebedevtıŋ ökılettıgı taǧy üş jylǧa ūzartyldy.
