Telegram jelisiniń negizin qalaýshy reseılik Pavel Dýrov Qazaqstandaǵy aýyl balalary úshin IQanat mektebine quny 356 000 AQSh dollaryn quraıtyn 12 grant bóldi. Bul týraly kásipker Aıdyn Raqymbaev aıtty, dep habarlaıdy «Adyrna» tilshisi.
«Pavel Google Map-ta bizdiń mektepti kórip, qyzyǵýshylyq tanytqan edi. Onyń ótinishin birden qabyl aldyq. Sapar barysynda ol oqý proesiniń egjeı-tegjeıin, myńdaǵan aýyl balasynyń qaı formatta olımpıadalarda irikteletinin suraı bastady. Qarapaıym aýyl balalarynyń keremet nátıje kórsetip, sheteldik ýnıversıtetterge grantqa túsetinin bilgen ol grant ala almaǵan birneshe balanyń oqýyna aqsha tóleýdi usyndy»,— dedi ol.
Pavel Dýrov ózi usynǵan grantqa laıyq aýyl balalaryn ózi zerttep, irikteýge qatysqan.
Aıta keteıik, grant ıegerlerin tańdaý barysynda oqýshylardyń akademııalyq jetistikteri, qoǵamdyq belsendiligi jáne shyǵarmashylyq qabiletteri eskerildi. Ár granttyń quny shamamen 29 666 AQSh dollaryn quraıdy.
