2024 jylǵy 9 tamyzda Qazaqstan Respýblıkasynyń Ulttyq kitaphanasynda qazaqtyń uly tulǵasy Abaı Qunanbaıulynnyń týǵan kúnine arnalǵan «Abaı murasy - ulttyq qundylyq» atty merekelik is-shara ótti.
Atalǵan shara Ulttyq kitaphana aldyndaǵy alańda ádemi áýennen bastaý aldy. Merekelik i-sharaǵa 5571 áskerı bóliminiń áskerı qyzmetshileri, Qazaqstan Jazýshylar Odaǵy tóraǵasynyń orynbasary Jaqyp Baýyrjan; Qurmanǵazy atyndaǵy Qazaq Ulttyq konservatorııasynyń «Halyq áni» kafedrasynyń doenti Shúkiman Erkin jáne konservatorııanyń tórtinshi kýrs stýdenti, Respýblıkalyq konkýrstardyń laýreaty Madııar Ómirǵalı oryndady. Merekelik is-sharany Qazaq radıosy jáne "Shalqar" radıosynyń júrgizýshisi Nálibaı Gúlmıra júrgizdi.
Qazaqstan Respýblıkasynyń Memlekettik kúzet qyzmetiniń kýrsanttary:
Pıven Evgenıı Aleksandrovıch – Jigit sózi «Aıttym sálem, qalamqas» sonymen qatar Tólegen Erasyl – «Qalyń elim qazaǵym qaıran jurtym» óleńi, Abaqan Aqjol – «Eskendir» poemasyn tebirene oqyp berdi.
Ǵylymı ádistemelik bólimniń jas mamany Altynbek Qanat, Qazaqstan kitaptary bóliminiń kitaphanashysy Janbolat Abaıhan “Abaıdyń jas urpaqqa ósıeti”-atty qoıylymyn qoıdy. Kesh barysynda barlyq qatysýshylaryna kitaptar men alǵys hattar tabystaldy.
Merekelik ic-shara Nazıra Dáýletova atyndaǵy kórme zalynda jalǵasyn tapty. Dóńgelek ústel baǵdarlamasynda ǵylymı baıandamamen Túrkııanyń Almaty qalasyndaǵy Bas konsýly Evren Mýderrısoglý ádebı aqparatpen Almaty qalasyndaǵy Iran Bas konsýldyǵynyń Iran mádenı ortalyǵynyń dırektory - Hosseın Agazade Ál-Farabı atyndaǵy QazUÝ professory, ǵalym, fılologııa ǵylymdarynyń doktory - Dandaı Ysqaquly, Mýhtar Áýezov atyndaǵy ádebıet jáne óner ıstıtýtynyń bas dırektorynyń ǵylym jónindegi orynbasary, fılologııa ǵylymdarynyń kandıdaty Almıra Qalıeva qatysty.
Túrkııanyń Almaty qalasyndaǵy Bas konsýly Evren Mýderrısoglý óziniń baıandamasynda bylaı dedi- “Abaı óskelen urpaqqa úlgi bolatyn uly tulǵa, Abaı qalammen kúlli Túrki álemin jaýlaǵan uly adam. Sondaı-aq, Stambýl qalasynda Abaı atamyzdyń 17 kitaby jaryq kórgenin aıtty.
Almaty qalasyndaǵy Iran Bas konsýldyǵynyń Iran mádenı ortalyǵynyń dırektory - Hosseın Agazade, Abaı shyǵarmalaryndaǵy eńbek taqyryby – sheksiz zor, aıta berse sóz taýsylmaıdy, zertteı berse saf altyndaı jarqyrap, ne bir injý-marjandar aldymyzdan shyǵa bermek. Abaıdyń tereńinde túp joq, Abaıdyń bıiginde shek joq deı kele, “Jasaı bersin Abaı! Jasaı bersin Qazaqstan! Jasaı bersin Iran” -dep óz sózin támámdady.
Is-shara sońynda, Qazaqstan Respýblıkasy Ulttyq kitaphanasynyń dırektory, Qazaqstan Kitaphana Odaǵynyń Tóraǵasy Baqytjamal Ospanova barlyq qatysýshylardy Abaı kúnimen quttyqtap, qatysýshylarǵa kitaptar men alǵys hattardy tabystady.
Mereı Qaıratqyzy
