Qazaqstandyqtardyŋ basym bölıgı qorǧanys ministrlıgınıŋ aşyqtyǧy men eseptılıgın arttyrudy äskerdegı basty özgerısterdıŋ bırı dep sanaidy, dep habarlaidy "Adyrna".
Būl turaly 28–29 qyrküiekte jürgızılgen saualnama nätijesınde belgılı boldy.
Zertteudı «Demokratiia instituty» ǧylymi-zertteu qauymdastyǧy jürgızgen. Saualnamaǧa 18 jastan asqan 1012 adam qatysqan. Zertteu CAWI ädısımen, iaǧni onlain saualnama arqyly ötkızılgen. Oǧan Qazaqstannyŋ 17 oblysy jäne Astana, Almaty, Şymkent qalalarynyŋ tūrǧyndary qamtylǧan.
Saualnamaǧa qatysuşylarǧa äskerde qandai özgerıster qajet degen sūraq qoiylyp, bırneşe jauapty taŋdauǧa mümkındık berılgen.
Nätijesınde:
* qorǧanys ministrlıgınıŋ aşyqtyǧy men eseptılıgın arttyru – 47,4%;
* komandalyq qūramdy jaŋartyp, käsıbi deŋgeiın köteru – 34,3%;
* qorǧanys salasyndaǧy jemqorlyqpen kürestı küşeitu – 29,4%;
* äskeri qyzmetşılerdıŋ qauıpsızdıgı men äleumettık jaǧdaiyn jaqsartu – 25,3%;
* qaru-jaraq pen äskeri tehnikany jaŋartu – 20,7%;
* jaŋa tehnologiialar men sifrlyq şeşımderdı engızu – 20,4%;
* jauyngerlık daiarlyq pen oqu-jattyǧu sapasyn arttyru – 19,2%.
Sonymen qatar saualnamaǧa qatysuşylardyŋ 85,2%-y Prezident Qasym-Jomart Toqaevtyŋ qorǧanys ministrlıgın jan-jaqty tekseru turaly şeşımın tolyq nemese ışınara qoldaǧan. Al armiiany reformalau turaly şeşımdı 85,7%-y qoldaǧan.
