Bas äskeri prokurordyŋ bırınşı orynbasary Maqsat Qaziev äskerde mügedek bolyp qalǧan merzımdı äskeri qyzmetşı Erbaian Mūhtardyŋ ısıne qatysty pıkır bıldırdı. Būl turaly ol 25 aqpanda Ortalyq kommunikasiialar qyzmetınde ötken brifingte aitty, dep habarlaidy “Adyrna” ūlttyq portaly.
Ol äskeri qyzmetşı Mūhtar Erbaiannyŋ alǧan auyr jaraqatyna bailanysty bırqatar jedel-tergeu şaralary jürgızılıp jatqanyn, saraptamalar taǧaiyndalǧanyn atap öttı. Barlyq dälelder jinalǧannan keiın şeşım qabyldanady. Is Bas prokuror men Bas äskeri prokurordyŋ erekşe baqylauynda.
"Qazırgı uaqytta būl ıs boiynşa naqty küdıktıler joq. Belgılı bır top bar, olar tergeude", – dedı Maqsat Qaziev.
Işkı ıster ministrlıgı Ūlttyq ūlannyŋ tärbie jäne äleumettık-qūqyqtyq jūmysy bas basqarmasynyŋ bastyǧy Nūrbai Bektūrsynov Erbaian Mūhtardyŋ Türkiiada emdelgenın eske saldy. Endı ol emdeudıŋ ekınşı kezeŋınen ötedı. Oǧan Ūlttyq ūlan sarbazdary men basqa da memlekettık organdar kömek körsettı.
"Bız ata-analarmen bailanystamyz jäne qoldan kelgen kömegımızdı körsetemız. Qyzmettık tekseru jürgızıldı. Erbaian Mūhtarǧa qatysty zaŋ būzuşylyq nemese qysym körsetu faktılerı bolmaǧany anyqtaldy", – dedı ol.
Qorǧanys ministrlıgı Tärbie jäne ideologiialyq jūmys departamentınıŋ basşysy Tıleuhan Basqojaev Erbaian Mūhtardyŋ Qorǧanys ministrlıgınıŋ äskeri ūşaǧy Türkiiaǧa emdeluge jetkızılgenın qosty. Aldaǧy uaqytta bölım oǧan qoldau körsetuge daiyn.
Būǧan deiın Qorǧanys ministrlıgı Erbaian Mūhtardyŋ 2023 jyly 4 jeltoqsanda därethanadaǧy plitkaǧa basyn soǧyp, jaraqat alǧanyn habarlaǧan.
