Абай облыстық полиция департаментінің көші-қон қызметінің басшысы Гүлвира Дөненбаева мен Абай ауданының инспекторы пара алғаны үшін сотталды. Бұл туралы ҚР Сыбайлас жемқорлыққа қарсы іс-қимыл агенттігі жариялады, деп хабарлайды “Адырна” ұлттық порталы.
«8 тамызда Семей қаласының №2 сотымен Абай облысының ПД көші - қон қызметі басқармасының бастығы Г. Дөненбаеваға, осы басқарманың ерекше тапсырмалар жөніндегі аға инспекторы Р. Садықовқа және Семей қ. ПБ көші-қон қызметі бөлімінің инспекторы А. Нұрахметоваға қатысты үкім жарияланды», - делінген хабарламада.
Көші-қон қызметінің басшысы Дөненбаева инспектор Садықов арқылы Нұрахметованы тағайындау үшін 1 мың доллар аударған.
Ақпаратқа сәйкес, Дөненбаева 4 жыл, Нұрахметова 3 жыл, Садықов 3 жыл 6 айға бас бостандығынан айырылды.
«Сонымен бірге сотталғандар арнаулы атақтарынан және мемлекеттік қызметте және квазимемлекеттік секторда лауазымдарды атқару құқығынан айырылады», - деп толықтырды коррозияға қарсы қызмет.
Айта кетейік, Дөненбаева бірнеше жыл бұрын желі қолданушылары сынға алған ерекше шаш үлгісімен көрінгеннен кейін көпшілікке танымал болған.
