Toqaev sot júıesin reformalaý týraly zańǵa qol qoıdy, dep habarlaıdy “Adyrna” ulttyq portaly.
Bul týraly Aqordanyń baspasóz qyzmeti málimdedi.
“Memleket basshysy "Qazaqstan Respýblıkasynyń keıbir zańnamalyq aktilerine sot júıesin reformalaý jáne proestik zańnamany jetildirý máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy”, – delingen habarlamada.
Jańa zańǵa sáıkes, Astanada qylmystyq, azamattyq jáne ákimshilik ister boıynsha úsh kassaııalyq sot qurylmaq. Kassaııalyq tártiptegi ister aldyn ala qaralmaı, úsh sýdıadan turatyn alqaǵa tikeleı jiberiletin bolady. Kassaııalyq satydaǵy isterdi qaraý merzimi alty aıdan aspaıdy. Sot talqylaýy taraptardyń shaqyrylýymen aýyzsha júrgiziledi.
Kassaııalyq sotqa bas prokýrordyń orynbasarlary, bas áskerı jáne kólik prokýrorlary da narazylyq bere alady. Túzetýlerge sáıkes uıymdardy ekstremıstik dep taný týraly azamattyq isterdi qaraý merzimi bir aıdan 10 jumys kúnine deıin qysqartyldy.
Joǵarǵy sotta sot aktileri joǵarǵy sot sýdıasynyń usynysy boıynsha erekshe jaǵdaılarda ǵana qaıta qaralatyn bolady.
