Parıj Olımpıadasynda qazaqstandyq bıshimiz Ámir Zakırov úshinshi kezdesýinde jeńiske jetip, shırek fınalǵa joldama aldy, dep habarlaıdy “Adyrna” ulttyq portaly.
Parıj Olımpıadasynda breıkıngten el namysyn qorǵap jatqan AMIR úshinshi battlda taıpeılik QUAKE-ti jeńip, D tobynan ekinshi orynmen 1/4 fınalǵa shyqty.
Qosa keteıik, Breıkıng nemese breık-dans – kóshe bıi, hıp-hop mádenıetiniń bir túri. Halyqaralyq Olımpıada komıtetiniń resmı saıtyndaǵy aqparatqa súıensek, breıkıng 1970 jyldary AQSh-ta paıda bolǵan. Ol akrobatıkalyq qozǵalystarmen jáne aıaq qımylymen oryndalady. Bıylǵy Olımpıadadan bastap breıkıng óneri sport túri retinde sanalyp, elder arasynda myqtylardy irikteıtin bolady.
