Palestınalyq HAMAS qozǵalysy Iranda óltirilgen Ismaıl Hanıeniń ornyna saıası bıýronyń jańa jetekshisiniń esimin jarııalady, - dep habarlaıdy "Adyrna" ulttyq portaly Euronews saıtyna silteme jasap.
Iahıa Sınvardyń saıası qozǵalystyń jańa basshysy bolyp saılanǵany habarlandy.
Buqaralyq aqparat quraldarynyń habarlaýynsha, Iahıa Sınvar ómiriniń jartysyn Izraıl túrmelerinde ótkizgen. Ol Hanııa óltirilgennen keıin aman qalǵan Hamastyń eń kúshti jetekshisi. Sınvardy 2023 jyldyń 7 qazanynda Izraılge jasalǵan shabýyldyń uıymdastyrýshysy dep te ataıdy. Sınvardyń naqty ornalasqan jeri belgisiz, alaıda BAQ habarlaýynsha, ol áli de Gaza sektorynda jasyrynyp júrgen bolýy múmkin.
Izraıl Syrtqy ister mınıstri Izraıl Kat Sınvardyń «tez arada kózin qurtýǵa» shaqyrdy.
«HAMAS-tyń jańa basshysy bolyp Ismaıl Hanııanyń ornyna bas lańkes Iahıa Sınvardyń taǵaıyndalýy, onyń múmkindiginshe tezirek kózin qurtýǵa jáne osy zulym uıymdy jer betinen tolyq joıýǵa taǵy bir senimdi sebep boldy», - dep jazdy ol áleýmettik jelide.
Esterińizge sala keteıik, Ismaıl Hanııa 31 shildege qaraǵan túni Tegerandaǵy qonaq úıge qoıylǵan bombanyń jarylýynan qaza tapqan bolatyn. Hamas pen Iran óltirý isi boıynsha Izraıldi aıyptaıdy, biraq memlekettik bılik olardyń qatysy bar ekenin rastaǵan da, joqqa da shyǵarǵan joq.
