İzrail men palestinalyq HAMAS qozǧalysy arasyndaǧy atysty toqtatu rejimı 10 qazan künı jergılıktı uaqytpen saǧat 12:00-de küşıne endı. Būl turaly İzrail Qorǧanys armiiasy (SAHAL) mälımdedı, dep habarlaidy “Adyrna”.
Kelısım aiasyndaǧy negızgı şarttar aldaǧy 24 saǧatta jüzege asuy tiıs.
Times of Israel basylymynyŋ mälımetınşe, İzrail äskerı Gaza sektorynan ışınara şyǧyp, jaŋa demarkasiialyq şepter boiynşa pozisiialar aluda. Alǧaşqy äskeri bölımşeler Gazadan tün ışınde şyǧaryldy. Keibır audandarda äskerdı äketu kezınde artilleriialyq jäne äue soqqylary jasalyp, äskerge qoldau körsetıldı.
Qiraǧan audandarǧa tūrǧyndardyŋ bır bölıgı qaita orala bastaǧan. Degenmen, İzrail äskerı Gaza tūrǧyndaryn bırneşe audannyŋ älı de "öte qauıptı" ekenın eskertıp otyr.
AQŞ prezidentı Donald Tramp ūsynǧan Gaza boiynşa beibıt jospardyŋ alǧaşqy kezeŋı tūtqyndarmen almasudy qamtidy. İzrail bastapqyda FATH qozǧalysynyŋ müşelerı bolǧan 11 adamdy bosatuy tiıs edı. Alaida soŋǧy sätte şeşım özgerıp, ornyna HAMAS ūiymynyŋ 11 müşesı bosatylady, olardyŋ toǧyzy ömır boiyna sottalǧan.
Sonymen qatar, İzrail türmelerınen 250 palestinalyq jäne soǧys bastalǧannan berı (2023 jylǧy 7 qazannan bastap) ūstalǧan 1700 adam bosatylady.
Būl şeşım İzrail qoǧamynda qarama-qaişy reaksiia tudyrdy. Terroristık şabuyldardan zardap şekkenderdıŋ tuystary tūtqyndardy bosatuǧa qarsylyq bıldırıp, bosatylatyndardyŋ tızımın jariialaudy talap ettı.
Türkiia Qorǧanys ministrlıgı öz äskerın Gazaǧa bıtımgerşılık missiiasymen jıberuge daiyn ekenın mälımdedı.
Germaniia kanslerı Fridrih Mers İzrail men HAMAS arasyndaǧy beibıt jospardy jüzege asyruǧa jan-jaqty kömek körsetetının jetkızdı. Alaida, Germaniia äskerı bıtımgerşılıkke qatyspaidy. Germaniia palestinalyq beibıt tūrǧyndarǧa kömek retınde 29 million euro böledı.
Eske salsaq, 2023 jylǧy 7 qazanda HAMAS qozǧalysy İzrailge ırı şabuyl jasap, 1200-ge juyq adamdy öltırıp, 250-ge juyq adamdy tūtqynǧa alǧan bolatyn. Būl oqiǧa İzrail tarihyndaǧy eŋ qandy şabuyl retınde tırkeldı.
Jauap retınde İzrail HAMAS-qa qarsy soǧys jariialady. Qaruly qaqtyǧystar men äue soqqylary saldarynan, HAMAS baqylauyndaǧy Gaza densaulyq saqtau ministrlıgınıŋ deregı boiynşa, 67 myŋnan astam palestinalyq qaza tauyp, 169 myŋnan astamy jaralandy. Būl statistikanyŋ naqtylyǧy turaly derekter naqty körsetılmegen.
Qyrküiek aiynda AQŞ-ta İzrail premer-ministrı Biniamin Netaniahu men Donald Tramp Gaza sektoryna qatysty beibıt jospar ūsyndy. Qazan aiynyŋ basynda HAMAS tarapynan josparǧa ışınara qoldau bıldırıldı. 6 qazanda Mysyrda ekı tarap deldal arqyly alǧaşqy kelıssözderın ötkızdı.
