Jelıde Small sauda jelısındegı dükenderdıŋ bırınde bolǧan tılge qatysty oqiǧa keŋınen talqylanuda. Beinejazbada qyzmetkerden orys tılınde jauap berudı talap etken Galina Liss jauapqa tartyldy, dep habarlaidy "Adyrna".
Kadrlarda kassir uaqytşa jūmys ıstemei tūrǧan kassa turaly aqparatty qazaq tılınde tüsındırıp, jaqyn arada basqa qyzmetker keletının aitqan. Alaida satyp aluşy onyŋ jauabyna qanaǧattanbai, orys tılınde qyzmet körsetudı talap etken.
Oqiǧa jariialanǧannan keiın äleumettık jelı qoldanuşylary düken qyzmetkerıne qoldau bıldırıp, mäselenı qūqyqtyq tūrǧydan qarastyrudy sūrady.
Almaty qalalyq polisiia departamentınıŋ mälımetınşe, oqiǧa Almatyda bolǧan. Tekseru barysynda janjal şyǧarǧan äiel 20 ailyq eseptık körsetkış kölemınde äkımşılık aiyppūlǧa tartyldy. Būl şamamen 86 500 teŋgenı qūraidy.
Polisiia qoǧamdyq oryndarda tärtıp talaptaryn saqtauǧa şaqyryp, agressiia, ädepsız mınez-qūlyq jäne qoǧamda alauyzdyq tudyruy mümkın äreketter zaŋ aiasynda jauapkerşılıkke äkeletının eskerttı.
