Ózbekstan úkimeti qoǵamdyq oryndarda nıqab taǵatyndarǵa aıyppul sala bastaıtynyn málimdedi. Aıtýlarynsha, jańa zań — eldegi dinı ekstremızmge qarsy aýqymdy kúrestiń bir bóligi. Tıisti jarlyqqa Ózbekstan prezıdenti qol qoıdy, dep habarlaıdy «Adyrna» tilshisi.
Ádilet mınıstrligi zań qoǵamdyq qaýipsizdikti qorǵaý úshin qajet degen málimdeme jasady.
«Qoǵamdyq oryndarda tulǵany anyqtaýǵa múmkindik bermeıtin dárejede betin jaýyp júrý 3,3 mıllıonnan 4,95 mıllıon sýmǵa deıin (126 myń teńgeden 189 myń teńgege deıin — red.) aıyppul salýǵa ákep soǵady»,—delingen habarlamada.
Elde zańdy synaýshylar da bar. Olar bundaı shara dinı senim bostandyǵyna nuqsan keltiredi deıdi. Aıtýlarynsha, nıqab áıeldiń jeke tańdaýy jáne úkimet olardyń dinı senimderine aralaspaýy kerek.
Eske salaıyq, buǵan deıin Ózbekstanda dúkenniń dinı ataýlaryn ózgertip, arabsha jazýlardy alyp tastaý tapsyrylǵanyn jazǵan edik.
