Qazaqstandyq ánshi Dımash Qudaıbergen Qytaıdyń "I am a Singer" baıqaýynyń gala-konertinde jańa týyndysynyń tusaýyn kesti, dep habarlaıdy "Adyrna" ulttyq portaly.
Ánniń mýzykasy men sózin qazaqtyń belgili kompozıtory Renat Gaısın men aqyn Qalkaman Sarın jazǵan. Al sý jańa týyndynyń aranjırovkasyn Renat Gaısın dybys prodıýseri Erlan Bekchýrınmen birlesip jasaǵany habarlandy.
Dımash arnaıy qytaı kórermenderi úshin qazaq jáne qytaı tilinde án shyrqady. Qytaı tilindegi mátinniń avtory — Lın Veı Veılım.
Renat Gaısın Dımash Qudaıbergen týraly aqparat taratatyn DimashNews redakııasyna ánniń jasalý tarıhy týraly oıyn bólisti.
"Birneshe jyl buryn ushaq terezesinen aqsha bulttarǵa qarap otyryp erekshe ádemi sýretten shabyttanyp, oıyma ádemi bir áýen oraldy. Sol arada áýendi umytyp qalmaıyn dep ózimniń dybys jazý qurylǵyma jazyp qoıdym. Pandemııa kezinde «Qairan Elim» kompozıııasyn ázirleý ústinde bul áýendi Dımashqa kórsettim. Biraq tynymsyz saıahat pen gastroldik saparlar kóbeıip ketken soń bul ánmen aınalysýǵa endi ǵana múmkindik týdy. Jaqynda Dımash maǵan telefon soǵyp, «I am a Singer» gala-konertinde osy ándi oryndaǵysy keletinin aıtty. Ol mátindi qazaq tiline tárjimeleýimdi ótindi. Kóp oılanbastan birden ózimniń jaqyn dosym, eldegi eń talantty aqyndardyń biri Qalqaman Sarınge telefon soqtym. Biz telefon arqyly habarlasqan soń Qalqaman áýennen shabyttanyp, názik sezimdi ánge óleń jazdy. Men buny — kompozıtor men aqynnyń birin-biri sózsiz túsinisýindegi naǵyz úılesimdilik dep ataı otyryp, shyǵarmany romantıkalyq poema degim keledi. Ánge Dımashtyń ózi shynaıy, taza jáne baǵa jetpes mahabbattyń belgisi retinde «Angel love» degen at qoıdy", — deıdi sazger.
