Ál-Farabı atyndaǵy Qazaq ulttyq ýnıversıtetinen taǵy da daý shyqty. Bul joly oqý ornynda medıına fakýltetin 6 jyl oqyǵan túlekter rezıdentýraǵa túse almaı qalǵanyn aıtyp, alańǵa jınaldy, dep habarlaıdy "Adyrna" ulttyq portaly KTK telearnasyna siltep.
6 jyl boıy ál-Farabı atyndaǵy Qazaq ulttyq ýnıversıtetinde medıına fakýltetinde bilim alǵan stýdentter rezıdentýraǵa túse almaǵan.
Bes jyldyq bakalavrdy, keıin bir jyldyq ınternatýrany bitirgen túlekter bıyl rezıdentýraǵa túse almaǵan. Sebebi ózge medıınalyq joǵary oqý oryndary ulttyq ýnıversıtet túlekteriniń ınternatýrany jetkiliksiz oqyǵanyn málimdegen.
“Bir jyldyq ınternatýralaryńyz jaramsyz, ekinshi jyl baryp oqyp kelińizder” dep otyr. Dıplom qoldarynda, memlekettik úlgide. Dıplom memlekettik qujat, ony qoqysqa tastap, ekinshi jyl oqı bereıik degen nárse durys emes, proedýra buzylady, zań buzylady”, – dedi ýnıversıtet túlegi Aıdana Pazylbek.
Ulttyq ýnıversıtetti kelesi jyly taǵy 80 stýdent támamdamaq. Olar qazirden dabyl qaǵyp otyr. Óıtkeni rezıdentýraǵa túsý medıına stýdentteri úshin asa mańyzdy bolyp otyr.
“Meniń bes jyldyq oqýym zaıa ketpek. Sebebi ar jaǵynda men jalpy tájirıbelik dáriger bolýǵa ǵana quqym qalyp tur. Jylyna 1 mıllıon 70 myń tóledim. Internatýrada baǵa odan da úlkeıedi, 1 mıllıon 700 myń suraıdy. Men sony tóleýim kerek. Onyń ústine odan keıin jyldar boıy tólengen aqshammen ári qaraı men jeke mamandyq ala almaımyn”, – dep dabyl qaqty túlekterdiń biri Álııa Qudaıbergen.
Sóıtse Qazaq ulttyq ýnıversıteti jastardy medıınalyq bilim berýdiń jańa standartymen oqytypty. Soǵan sáıkes bakalavrdan keıin oqylatyn ınternatýra bir jylǵa qysqartylǵan. Stýdentter bilimin jetkilikti dep sanaǵan ýnıversıtet basshylyǵy densaýlyq saqtaý mınıstrligine hat joldaǵan.
“Hat jazdyq, nátıjesin kútip otyrmyz. Eger de mınıstrliktiń “oqyt” degen sheshimi bolsa, onda biz taǵy bir jyl oqytýǵa daıynbyz. Sebebi balalar bári bir jyl aqyly túrde oqydy. Endi taǵy bir jyl oqyt dese, oqytamyz”, – dedi QazUÝ akademııalyq máseleler jónindegi prorektory Altaı Qazmaǵambetov.
Al densaýlyq saqtaý mınıstrligi bolashaq dárigerlerge merziminen buryn dıplom bergen ýnıversıtetti aıyptady.
“Bilim týraly zańǵa sáıkes, olar ýnıversıtetti oqýǵa túsken kezdegi baǵdarlama boıynsha aıaqtaýy kerek. Sol kezde 7 jyl oqýy kerek dep belgilengen bolsa, sol 7 jyldy tolyqqandy oqyp shyǵýǵa tıis. Keıinirek qoldanysqa engen baǵdarlamanyń bul túlekterge qatysy joq. Sondyqtan ınternatýranyń taǵy bir jylyn oqyp kelsin. Sodan keıin ǵana rezıdentýraǵa túse alady”, – dedi DSM Ǵylym jáne adamı resýrstar departamentiniń Medıınalyq bilim basqarmasynyń basshysy Áset Izdenov.
