Atyrau oblysynda «Auyldyq densaulyq saqtaudy jaŋǧyrtu» ūlttyq jobasy aiasynda būryn-soŋdy medisinalyq infraqūrylym jürgızılmegen şalǧai auyldarǧa 6 feldşerlık-akuşerlık punkt jäne bır därıgerlık ambulatoriia men 11 medisinalyq punkt salu josparlanǧan,- dep habarlaidy Öŋırlık kommunikasiialar qyzmetı.
Olardyŋ ışınde 2023 jyly qos medisinalyq punkt jäne bır FAP paidalanuǧa berıldı. 2024 jyldyŋ jeltoqsanynda İnder audanynyŋ Esbol auylyna därıgerlık ambulatoriia, İsatai audany Jasqairat auylyna jäne Qūrmanǧazy audanyndaǧy Azǧyr, Jastalap, Batyrbek, Qoŋyrterek, Afanaseva auyldaryna medisinalyq punkt, sondai-aq Kudriaşov pen Arna auylyna FAP salyndy. Qazır Qūrmanǧazy audanynyŋ Jalǧyzapan, Jambyl jäne Älıpova auylyndaǧy nysandardy teŋgerımge beru jūmystary jürgızılude.
- Ūlttyq joba aiasynda josparlanǧan 18 nysannyŋ 15-ı tolyq aiaqtaldy. Qalǧan üş nysanda qūrylys jūmystary jalǧasuda. Qūrmanǧazy audanynyŋ Köptoǧai auylyndaǧy FAP 85% daiyn, al. Qyzylqoǧa audanyndaǧy Jamansor jäne Janterek auyldaryndaǧy medisinalyq punktterdıŋ qūrylysy 50% oryndaldy, - dedı oblystyq Qūrylys, säulet jäne qala qūrylysy basqarmasynyŋ basşysy Nūrbergen Qūsainov.
Mūnymen qatar, densaulyq saqtau basqarmasy auyldarǧa maman tartu boiynşa keşendı şaralardy qolǧa alǧan. Byltyr 148, biyl 31 mamanǧa köterme järdemaqy berılse, qazır taǧy 68 mamannyŋ qūjaty qaraluda.
Būdan bölek, auyldardaǧy kadr tapşylyǧyn şeşu maqsatynda därıgerlerdıŋ baspana mäselesıne de qoldau körsetılıp keledı. 2022 jyldan berı «Otbasy bank» arqyly 5% jeŋıldetılgen ipoteka baǧdarlamasymen 43 därıger baspanaly bolǧan.
Al biyl jergılıktı biudjet esebınen medisinalyq bılım granttary keŋeitılıp, 83 student bakalavriatqa, 27 maman rezidenturaǧa qabyldandy.
