Antikorrupsiialyq qyzmet Arǧyn Nyǧmatulindı ızdestıru boiynşa mälımetterdı jariialady, dep habarlaidy "Adyrna" ūlttyq portaly.
Antikordyŋ resmi ökılı Daniiar Biǧaidarovtyŋ aituynşa, Arǧyn Nyǧmatulinge qatysty qylmystyq ıs 2024 jylǧy 7 jeltoqsanda Qylmystyq ıs jürgızu kodeksınıŋ 186-babyna säikes Bas prokuraturaǧa berılgen.
"Bız tergeu barysyn tüsındıre almaimyz. Bıraq Äkımşılık räsımdık-prosestık kodekstıŋ 65-babynyŋ 1-bölıgıne säikes, ızdestıru şaralary bızdıŋ qūzyretımızde ekenın aita alamyn. Atalǧan tūlǧany ızdestıru boiynşa jedel ıs-şaralardy Antikorrupsiialyq qyzmet jüzege asyruda. Izdestıru jalǧasuda, ökınışke qarai, qazırgı uaqytta egjei-tegjeilı aqparat bere almaimyn. Sebebı būl onyŋ jasyrynuyna äser etuı mümkın", – dedı Daniiar Biǧaidarov Antikorda ötken brifingte.
Sondai-aq resmi ökıl Arǧyn Nyǧmatulinnıŋ Qazaqstan aumaǧynan tys jerde boluy mümkın ekenın joqqa şyǧarmady. Öitkenı oǧan halyqaralyq ızdeu jariialanǧan.
Eske salaiyq, būǧan deiın Bas prokuratura Arǧyn Nyǧmatulin men basqa da tūlǧalarǧa qatysty Qylmystyq kodekstıŋ 189-babynyŋ 4-bölıgı, 2-tarmaǧy ("Senıp tapsyrylǧan böten mülıktı iemdenu nemese ysyrap etu") boiynşa sotqa deiıngı tergeu jürgızılıp jatqanyn habarlaǧan bolatyn.
Sot şeşımımen Nyǧmatulinge qamauda ūstau türındegı būltartpau şarasy qabyldanyp, oǧan äzdeu jariialanǧan.
Aita keteiık, Qylmystyq kodekstıŋ 189-babynyŋ 4-bölıgı, 2-tarmaǧyna säikes, senıp tapsyrylǧan böten mülıktı iemdenu nemese ysyrap etu qylmysy üşın 7 jyldan 12 jylǧa deiıngı bas bostandyǧynan aiyru jazasy közdelgen. Sondai-aq mülıktı tärkıleu jäne belgılı bır lauazymdardy atqaru qūqyǧynan aiyru qarastyrylǧan.
Ūqsas jaŋalyqtar
