Búgin án áleminiń Aqbaıany, qazaqtyń kúmis kómeı ánshisi - Mádına Eralıevanyń týǵan kúni.
Talaı boıjetkenniń án álemine enip, ánshi bolsam degen aıaýly armandar uıalata bilgen ustaz tiri bolsa, 70 jasqa tolar edi.
Mádına Esmalaıqyzy Eralıeva 1954 jyly tamyz aıynyń ekinshi juldyzynda Qyzylorda oblysy Qazaly aýdanynda dúnıege kelgen.
Ánshi 1974 jyly Qyzylorda pedagogıka ýchılıesiniń mýzyka bólimin, 1978 jyly Qazaq memlekettik qyzdar pedagogıka ınstıtýtynyń mýzyka fakýltetin bitirgen. 1978 — 84 jyly Ádebıet jáne óner ınstıtýtynda qyzmet istedi.
1985 jyldan ómiriniń sońyna deıin Almaty oblysy fılarmonııasynyń jetekshi ánshisi boldy. Óner álemindegi az ǵana ǵumyrynda úlken belesterdi baǵyndyrǵan juldyz 1990 jyly Qazaqstannyń eńbek sińirgen ártisi ataǵyn alǵan.
Ókinishke qaraı, ánshi 2000 jyldyń kúzinde, ıaǵnı 46-dan asqan shaǵynda jol apatynan qaza tapty.
