Künı keşe Astanaǧa sailanǧan jaŋa äkım Jeŋıs Qasymbek elorda tūrǧyndaryna ündeu joldady, dep jazady "Adyrna" ūlttyq portaly.
"Qūrmettı astanalyqtar! Sızdermen jūmys ısteu – men üşın ülken märtebe ärı ülken jauapkerşılık. Elordamyzdy ary qarai bırlese damytatyn bolamyz. Astana – qaşanda özıne erıksız baurap alatyn, tartymdy qala bolyp keledı. Sol siiaqty Astananyŋ özıne tän sūlulyǧy men özındık erekşe energiiasy bar. Qalamyzdy odan ärı jaily da qolaily etu üşın jūdyryqtai jūmylyp eŋbek etemız. Qazırgı uaqytta dünie jüzındegı megapolisterdıŋ aldynda jaŋa jahandyq syn-qaterler men mındetter tūr. Astana da solardyŋ qatarynda. Ekonomikalyq körsetkışter, käsıpkerlıktı damytu, infraqūrylym, qoljetımdı äleumettık qyzmetter – öz jūmysymyzda qala ömırı üşın maŋyzy zor barlyq salany qamtimyz. Qala tūrǧyndarynyŋ jaily ömır süruı üşın qoljetımdı äleumettık tūrǧyn üiler, mektepter, balabaqşalar, medisinalyq nysandar jäne t.b. saludy ärı qarai da jalǧastyramyz. Qala tūrǧyndarynyŋ sany, qūrylys kölemı jyl saiyn ösıp kele jatqanyn eskerıp, jylu, su jäne elektrmen jabdyqtau nysandarynyŋ quatyn ūlǧaitu boiynşa jūmys ısteitın bolamyz. Äleumettık jelı – tiımdı bailanys qūraly. Bız üşın sızderdıŋ pıkırlerıŋız maŋyzdy. Elordamyzdy ary qarai damytu boiynşa sızderden ūsynystar men ideialar kütemız", dep jazdy elordanyŋ jaŋa äkımı özınıŋ feisbuk paraqşasynda.
"Adyrna" ūlttyq portaly
Ūqsas jaŋalyqtar
