Kúni keshe Astanaǵa saılanǵan jańa ákim Jeńis Qasymbek elorda turǵyndaryna úndeý joldady, dep jazady "Adyrna" ulttyq portaly.
"Qurmetti astanalyqtar! Sizdermen jumys isteý – men úshin úlken mártebe ári úlken jaýapkershilik. Elordamyzdy ary qaraı birlese damytatyn bolamyz. Astana – qashanda ózine eriksiz baýrap alatyn, tartymdy qala bolyp keledi. Sol sııaqty Astananyń ózine tán sulýlyǵy men ózindik erekshe energııasy bar. Qalamyzdy odan ári jaıly da qolaıly etý úshin judyryqtaı jumylyp eńbek etemiz. Qazirgi ýaqytta dúnıe júzindegi megapolısterdiń aldynda jańa jahandyq syn-qaterler men mindetter tur. Astana da solardyń qatarynda. Ekonomıkalyq kórsetkishter, kásipkerlikti damytý, ınfraqurylym, qoljetimdi áleýmettik qyzmetter – óz jumysymyzda qala ómiri úshin mańyzy zor barlyq salany qamtımyz. Qala turǵyndarynyń jaıly ómir súrýi úshin qoljetimdi áleýmettik turǵyn úıler, mektepter, balabaqshalar, medıınalyq nysandar jáne t.b. salýdy ári qaraı da jalǵastyramyz. Qala turǵyndarynyń sany, qurylys kólemi jyl saıyn ósip kele jatqanyn eskerip, jylý, sý jáne elektrmen jabdyqtaý nysandarynyń qýatyn ulǵaıtý boıynsha jumys isteıtin bolamyz. Áleýmettik jeli – tıimdi baılanys quraly. Biz úshin sizderdiń pikirlerińiz mańyzdy. Elordamyzdy ary qaraı damytý boıynsha sizderden usynystar men ıdeıalar kútemiz", dep jazdy elordanyń jańa ákimi óziniń feısbýk paraqshasynda.
"Adyrna" ulttyq portaly
