Memleket basşysy Qasym-Jomart Toqaev Ükımet pen Parlamentke bır ai ışınde auyl äkımderınıŋ märtebesıne qatysty ūsynys äzırleudı tapsyrdy. Būl turaly Aqorda jazdy, dep habarlaidy "Adyrna".
Aita keteiık, bügın Astanada auyl äkımderınıŋ dialog-platformasy ötıp jatyr.
«Memlekettık qyzmet jüiesındegı auyl äkımderınıŋ märtebesı turaly mäselenı ainalyp öte almaimyz. Būl – öte özektı dünie. Atalǧan ūsynys būǧan deiın de bırneşe ret köterılgenın, tıptı, Prezident Äkımşılıgıne tiıstı ötınışter tüskenın jaqsy bılemın. Memlekettık qyzmetşılerdıŋ sanattaryn naqty belgıleu kerek. Ükımet Parlamentpen, Memlekettık qyzmet ısterı agenttıgımen osy mäselelerdı jan-jaqty qarastyryp, bır ai ışınde özderınıŋ ūsynys-pıkırlerın beruge tiıs. Sodan soŋ şeşım qabyldanady», - dedı prezident.
Prezident atap ötkendei. auyl äkımdıkterınıŋ qyzmetkerlerın qoldauǧa erekşe köŋıl bölgen jön.
«Äkımdıkterde, äsırese, auyl äkımdıkterınde būryn jūmys ıstegen nemese qazır de eŋbek etıp jürgen azamattar mūny memlekettık qyzmetşınıŋ naǧyz ömır mektebı dep beker aitpaidy. Būl barşaǧa tüsınıktı. Öitkenı äkımdık qyzmetkerlerı bilık pen būqara arasynda senımdı ärı syndarly dialog jürgızudı meŋgerıp, naǧyz basqaru maşyǧyn jetıldıredı. Sol sebeptı auyl äkımdıkterı qyzmetkerlerınıŋ jūmys ısteuıne, olardyŋ käsıbi tūrǧydan ösuıne jaǧdai jasau maŋyzdy dep sanaimyn», - dedı Toqaev.
