Pavlodar oblysynda säbilı bolǧan 12 jastaǧy oquşy qyz oquyn mektepte jalǧastyratyny aityldy. Būl turaly Bılım ministrlıgı Balalardyŋ qūqyqtaryn qorǧau komitetınıŋ töraiymy Näsımjan Ospanova aitty, - dep habarlaidy “Adyrna” ūlttyq portaly.
Ortalyq kommunikasiialar qyzmetındegı brifingte jurnalisterdıŋ sūraqtaryna jauap bergen Ospanova kämeletke tolmaǧan küdıktınıŋ psihiatriialyq auruhanada jatqanyn aitty.
«Pavlodarda bolǧa atalmyş jait öte sirek kezdesedı, būl jaǧdaidy mektep mūǧalımderı baiqap, oǧan psihologiialyq, medisinalyq kömek qajetın aityp dabyl qaqty. Zorlau faktısı üide, jaqyn tuysynyŋ tarapynan bolǧan. Sonymen qatar küdıktınıŋ kämeletke tolmaǧany belgılı boldy. Jaǧdai 2023 jyldyŋ qazan aiynda oryn alǧan. Kämeletke tolmaǧan adam psihiatriialyq auruhanada jatyr, būl ıs balalardyŋ qūqyqtaryn qorǧau komitetınıŋ baqylauynda” dep tüsınıkteme berdı Ospanova.
Ospanova 12 jasar qyzdyŋ özı de mektepte oquyn jalǧastyratynyn aitty.
«Psihologiialyq-pedagogikalyq kömek körsetıledı. Sonyŋ ışınde balalardyŋ bılım alu qūqyǧy Konstitusiiamen qorǧalady», - dep tüiındedı komitet töraǧasy.
Eske sala keteiık, būǧan deiın Pavlodar oblysynda 12 jastaǧy oquşy qyz zorlyq qūrbany bolyp, jüktı bolyp qalǧanyn jazǧan edık.
Ūqsas jaŋalyqtar
