Pavlodar oblysynda zorlyq-zombylyq qūrbany bolǧan 12 jastaǧy qyzdyŋ bosanuy qalai ötkenı belgılı boldy, - dep habarlaidy “Adyrna” ūlttyq portaly.
Belgılı bolǧandai, 12 jastaǧy mektep oquşysy kesar tılıgı arqyly bosanyp, qazır säbiımen bırge auruhanada jatyr.
Pavlodar oblysynyŋ balalar ombudsmenı tüsındırgendei, kämeletke tolmaǧan qyz tärbielenıp jatqan köp balaly otbasy Qazaqstanǧa tört jyl būryn köşıp kelgen eken.
«Köşıp kelgennen keiın ata-anasy qazır tūryp jatqan jerlerınde tūruǧa rūqsat aldy. Sonan soŋ olar jergılıktı memlekettık organdardyŋ jäne mekteptıŋ baqylauynda boldy jäne älı de baqylau nazarynda», - dedı Pavlodar oblysynyŋ balalar ombudsmenı Säule Şäkeneva Tengrinews.kz tılşısıne.
Säule Şäkeneva kämeletke tolmaǧan bala men onyŋ säbiıne kömek pen qoldau körsetudıŋ barlyq mümkındıkterın qarastyru üşın otbasy tūratyn audanǧa barǧan.
«Jasöspırım qyz jüktılıgın anasynan keŋ kiım kiıp jürıp jasyryp qalǧan, qyzdyŋ özı oǧan aitudan qoryqqan. Küdıktı de kämeletke tolmaǧan, qyzdyŋ 17 jastaǧy tuysy bolyp şyqty. Tergeu jalǧasuda», - dep qosty Pavlodar oblysynyŋ balalar ombudsmenı Säule Şäkeneva.
Oblystyq perinataldyq ortalyq därıgerlerınıŋ aituynşa, kämeletke tolmaǧan qyz jüktılık kezınde ünemı baqylauda bolǧan. Mektep oquşysynyŋ kelbetındegı özgerısterdı baiqaǧan mūǧalımder därıgerlerge habarlasqan. Jüktılıgı rastalǧannan keiın qyz jüktı äielder patologiiasy bölımıne jatqyzyldy.
«Qyzdyŋ densaulyǧyna qauıp tönıp tūrǧan joq ekenıne, ūryqtyŋ damyp ösuınde bärı jaqsy ekenıne köz jetkızıp, on kün boiy baqylaudp ūstap, anasynyŋ jetekteuımen alǧaşqy medisinalyq baqylauǧa şyǧardyq. Ol bızge 34-şı aptada UDZ skriningıne keldı, qaradyq, ūryq jüktılık merzımıne säikes damyp jatty, eşqandai auytqular joq, bärı dūrys, sodan keiın kämeletke tolmaǧan qyzdyŋ densaulyǧyn qadaǧalaudy ärı qarai jalǧastyrdyq», - dedı Pavlodar oblystyq ortalyǧy direktorynyŋ mındetın atqaruşy İnessa Vysoskaia.
Därıgerdıŋ pıkırı Pavlodar oblysynyŋ balalar ombudsmenınıŋ äleumettık jelısındegı resmi paraqşasynda jariialandy. Resmi mälımet boiynşa, 19 şıldede jedel järdem brigadasy tolǧaǧy bastalǧan kämeletke tolmaǧan balany perinataldyq ortalyqqa jetkızgen.
"Qyz balaǧa jedel türde ota jasaldy. Salmaǧy 3360 kelı qyz bala düniege keldı. Qazır anasy men säbiı uaqytşa jasandy tamaqtandyruda jäne jasöspırım-ana men balasy da özın jaqsy sezınedı. Qyzmetkerler oǧan bala siiaqty qaraidy jäne barlyq jaǧynan kömektesuge tyrysuda», - dep tüsındırdı Vysoskaia.
Esterıŋızge sala keteiık, keşe, 23 şılde künı 12 jastaǧy oquşy qyz zorlyq qūrbany bolyp, ana atanǧanyn jazǧan edık.
Būryn habarlanǧandai, oquşy qyzdyŋ jüktı ekenı jūrtqa jaiylǧan soŋ, audandyq bılım bölımınıŋ basşysyna qataŋ sögıs jariialanyp, mektep direktory öz erkımen qyzmetınen ketken bolatyn.
«Mektep direktory zeinetker bolǧandyqtan, onymen eŋbek şarty bır jylǧa ūzartyldy, ol öz erkımen eŋbek şartynyŋ merzımı aiaqtalǧannan keiın jūmystan bosatyldy. », - dep tüsındırdı Pavlodar oblysynyŋ bılım basqarmasy.
Ūqsas jaŋalyqtar
