Pavlodar oblysyndaǧy audandardyŋ bırınde segızınşı synyp oquşysy ögei äkesınen jüktı bolyp qaldy. Mūny bırınşı bolyp mektep mūǧalımderı baiqap, qyzdyŋ anasyna habarlaǧan. Mektep oquşysynyŋ ögei äkesı ūstaldy. Qyzdarymen bolǧan jaitty jariia qyldy dep ata-anasy mūǧalımderge aryzdandy, dep habarlaidy "Adyrna" portaly.
Qazır joǧary synyp oquşysy jüktılıgınıŋ 25 aptasynda, qaşyqtan oqytuǧa köşken. Jasöspırımmen psiholog jūmys ısteude.
Qylmystyq kodekstıŋ 120-baby 4-bölıgı boiynşa sotqa deiıngı tergeu amaldary jürgızılude.
Mektep oquşysynyŋ jüktı ekenın jasyrmaǧan mūǧalımder men mektep direktoryna kelsek, olar zaŋsyz jazalanuǧa kesılmedı. Endı sögıs alynyp tastaldy.
"21 qaraşada Pavlodar oblysynda zorlyq-zombylyq qūrbany bolǧan kämeletke tolmaǧan oquşynyŋ jüktı ekenı belgılı boldy. Qyzdyŋ kelbetı men mınez-qūlqyndaǧy özgerısterdı bırınşı bolyp mektep mūǧalımderı baiqady. Jaǧdai kämeletke tolmaǧan balanyŋ anasyna habarlandy. Bügıngı taŋda būl faktı boiynşa qylmystyq ıs qozǧaldy. Küdıktı ögei äke qamauǧa alyndy. Zardap şeguşı üiınde qaşyqtyqtan bılım aluda jäne pedagogikalyq psihologtyŋ kömegın aluda. Bılım beru ūiymynyŋ qyzmetkerlerıne zaŋsyz salynǧan tärtıptık jazalar alynyp tastaldy", dep habarlady balalardyŋ qūqyqtaryn qorǧau komitetınen.
Ūqsas jaŋalyqtar
