Túrkistanda eki balasyn tunshyqtyryp óltirgen áıel 15 jylǵa bas bostandyǵynan aıyryldy. Oblystyq kámeletke tolmaǵandardyń isteri jónindegi mamandandyrylǵan aýdanaralyq soty 30 jastaǵy kelinshekti aýyr qylmys jasaǵany úshin kináli dep tanydy, dep habarlaıdy «Adyrna» tilshisi.
«Hamıtqyzy Bota Qylmystyq kodekstiń 99-baby 3-bóligimen kináli dep tanyldy. Sot oǵan pedagog retinde kámeletke tolmaǵandarmen jumys isteý sııaqty laýazymdy atqarý quqyǵynan ómir boıy aıyra otyryp, 15 jyl merzimge bas bostandyǵynan aıyrý jazasyn taǵaıyndady. Hamıtqyzy Botaǵa qatysty jazany qylmystyq-atqarý júıesiniń ortasha qaýipsiz mekemesinde óteý men qoldanylǵan kúzetpen ustaý bultartpaý sharasy ózgerissiz qaldyrylsyn»,— dedi Qylmystyq ister jónindegi aýdanaralyq sottyń sýdıasy Dáýren Madalıev.
Eske salaıyq, sumdyq oqıǵa 7 aqpanda bolǵan edi. Aıyptalýshy Qyzylorda oblysy Shıeli aýdanyndaǵy mektepterdiń birinde bastaýysh synybynyń muǵalimi bolyp jumys istegen. Áıel jaldamaly páterde 2 jasar uly men 4 jastaǵy qyzyn tunshyqtyryp óltirgen. Ol aýyr qylmysty kúıeýine renjigeni úshin jasaǵanyn aıtty. Polıeıler kelinshekti bir kúnnen keıin Shymkent qalasyndaǵy qonaqúılerdiń birde ustady. Sot proesi alqa bıleriniń qatysýymen úsh aıdaı qaraldy.
