Älemdık deŋgeidegı üzdık oqu orny MIT deŋgeiınde bılımı bar neirohirurg 20 jyldan keiın medisina salasyndaǧy tabysty jūmysyn tastap, tauǧa köşıp kettı. Būl turaly amerikalyq därıger özınıŋ Goobie and Doobie atty YouTube arnasynda aitty, dep habarlaidy “Adyrna” ūlttyq portaly.
Därıger Gubi köp jyldar boiy medisinalyq bılım alyp, alty jyldyq neirohirurgiia rezidenturasyn bıtırıp, kün saiyn bırneşe sättı operasiia jasaǧan. Bıraq medisinada 20 jyl nauqastardy emdegennen keiın, neirohirurg stress pen ūiqynyŋ jetıspeuşılıgınen salmaq tastaǧanyn aitady.
Massachusets tehnologiialyq institutynyŋ tülegı 38 jastaǧy er adam aşközdık turaly auyr oidan aryla almaǧan.
YouTube arnasynda jariialaǧan 50 minuttyq beine jazbasynda därıger Gubi AQŞ-taǧy medisinalyq jüie "emdeluge kömektesu" üşın emes, onyŋ ornyna "auruhanalar aqşa tabuy üşın" qūrylǧanyn tüsıngenın aitady.
Därıger tauda tıkelei efir arqyly körermenmen medisina salasyn tastau turaly şeşımınıŋ naqty sebebımen bölıstı.
«Men neirohirurg boldym. MIT kolledjıne tüsıp, tört jyl medisinalyq oqu ornynda jäne alty jyl neirohirurgiia boiynşa bılım aldym.
Men būlardyŋ barlyǧyn öz oilarymdy anyqtau üşın aityp otyrmyn, öitkenı köp faktor äser etude. Eger basqalar men siiaqty qiyn jaǧdaiǧa tap bolsa, onda menıŋ oqiǧam olarǧa kömektesıp qalar», dep tüsındırdı ol.
Jaqsy jalaqyǧa jäne qūrmettı lauazymǧa ie bolǧanyna qaramastan, ol baqytsyz bolǧanyn jäne ony ūzaq uaqyt boiy tüsıne almaǧanyn aitady.
Ol hirurg retınde ozyq tehnologiialardy qoldanu arqyly bırneşe ota jasasa da, bıraq öz auruynyŋ tüpkı sebebın eşqaşan şeşe almaǧanyn tüsındıredı.
«Men adamdarǧa kömektesuge tyrystym, bıraq būl operasiialar mäselenı şeşpedı. Būl keibır adamdarǧa özın jaqsy sezınuge kömektesedı, keibıreuler bırqalypty, keibıreuler naşarlaidy.
Men mınsız operasiia jasasam, adamdar jaqsarady dep oiladym, bıraq būl ärdaiym oŋ bola bermedı... Būl menı qatty mazalady», - dedı ol.
Sondai-aq, ol natriiı az jäne ösımdık negızındegı dietany tūtynatyn, kündelıktı jattyǧular jasaityn, jaqsy äleumettık qoldauǧa ie, temekı şekpeitın, jiı ışpeitın, jaqsy ūiyqtaityn jäne stresstı basqarudyŋ joldaryn tapqan adamdardy jiı emdeitının aitty. Bıraq onyŋ aituynşa, medisina jüiesındegı aşközdık oǧan ülken mäsele tudyrǧan.
«Bızdıŋ medisinalyq jüiemız būlai qūrylmaǧan... Auruhana köp aqşa tabuy kerek jäne ekonomikalyq ösu kerek.
Mäsele mynada, eger sız emdeluşılerdı därı nemese operasiiasyz emdeuge kömektesetın joldy tapsaŋyz, auruhana men därıger ülken qiyndyqqa ūşyraidy.
Eger sız nauqastardy emdeuge kömektesudıŋ jolyn tapsaŋyz jäne būl üşın olardan aqy ala almasaŋyz, onda sız jai ǧana jūmyssyz qaldyŋyz», - deidı därıger.
https://youtu.be/25LUF8GmbFU?si=D2_qE-a83rs3BCRw«Men medisinanyŋ maqsaty dūrys emes jerde jürgendei sezındım. Onyŋ maqsaty - emdeude emes, otalardan, därılerden aqşa tabu boldy.
Ne bolyp jatqanyn tüsıngennen keiın mende etikalyq tūrǧydan ülken mäsele tuyndady. Men özım senbeitın jūmyspen ainalystym».
Bıraq därıger Gubi otbasyn asyrau üşın ota jasaudy jalǧastyruǧa mäjbür bolǧanyn aitady.
«Men ıştei solyp jäne denemnıŋ ölıp jatqanyn baiqadym», - dep bölıstı ol.
Alaida ol mäselelerın äielımen talqylaǧan soŋ, medisina salasyn tolyǧymen tastap, naqty josparsyz jūmys ısteu şeşımın qabyldaidy.
«Jüregıŋızdı tyŋdaŋyz, sızdı jaqsy köretın adamdarǧa süienıŋız jäne ne bolsa da sızge qajet närsenı jasaŋyz», dedı ol videonyŋ soŋynda.
