Qazaqstandyq kásipker Qaırat Boranbaev Almatyda taǵy bir fýtbol klýbyn ashýǵa daıyndalyp jatyr. Bul týraly Metaratings.kz jazdy, dep habarlaıdy «Adyrna» tilshisi.
Saıttyń málimetinshe, klýb Almaty United dep atalmaq.
«Jańa klýb ashýdaǵy basty maqsat — Qaırat Boranbaev basqaratyn «Qaırat» fýtbol klýbynyń akademııasynan shyqqan túlekterdi oıyn tájirıbesimen qamtamasyz etý. Sportshylar óz alańyndaǵy matchtaryn «Qaırat» akademııasy nysandarynyń birinde ótkizedi»,—dep jazdy basylym.
Klýbtyń bas dırektory qyzmetin «Qaırattyń» eks-dırektory, qazir Player Sareer Management fýtbol agenttiginiń basshysy Baımuhanov Marat Búrkituly atqarady.
Eske salaıyq, ótken jyldyń naýryz aıynda Qaırat Boranbaevty kvazımemlekettik sektordan aqsha jymqyrǵany úshin segiz jylǵa sottalǵan edi. Keıinirek ekinshi satydaǵy sot onyń merzimin eki jylǵa qysqartty. Sol kezde Almaty ákimi Erbolat Dosaev bıznesmen ıeligindegi «Qaırat» fýtbol klýbynyń ákimdik menshigine berilmeıtinin málimdedi.
2023 jyldyń 6 qarashasynda Ishki ister mınıstrligi Qaırat Boranbaevtyń bostandyqqa shyqqanyn habarlady. Bıylǵy jyldyń maýsymynda kásipker qaıtadan Ulttyq Paralımpıada komıtetiniń basshysy bolyp saılandy.
