Pavlodar oblysynda 12 jastaǧy oquşy qyz zorlanǧan soŋ jüktı bolǧany turaly aqparat tarady. Ol düniege qyz bala äkeldı, dep habarlaidy “Adyrna” ūlttyq portaly.
Basty küdıktı retınde onyŋ tuysy qamauǧa alyndy.
Oqiǧa Şarbaqty audanynda bolǧan. Qyzdyŋ jüktılıgı turaly bırınşı bolyp mūǧalımder bılgen eken. Olar oquşynyŋ boiyndaǧy özgerıstı baiqap, dereu ata-anasyna habarlaǧandaryn aitady.
Al onyŋ tuysy kolledj studentı ärı tuysy bolyp şyqty.
"Jüktılık faktısın mektep äkımşılıgı oquşy köktemgı kanikuldan oralǧannan keiın anyqtady. Sodan keiın aqparat tiıstı organdarǧa berıldı. Boijetken men onyŋ anasy dereu auruhanaǧa jetkızıldı. Nauqas oblystyq perinataldyq ortalyqqa 19 şıldede tüsıp, 20-sy künı bosanǧan. Ana men balanyŋ jaǧdaiy qanaǧattanarlyq dep baǧalanyp otyr. Qazırgı uaqytta Şarbaqty audanynyŋ ışkı ıster organdary tergeu amaldaryn jürgızıp jatyr", – dedı Pavlodar oblysynyŋ bılım basqarmasynan.Oquşy atauly äleumettık kömek alatyn köpbalaly jäne az qamtylǧan otbasynan şyqqany anyqtalǧan. Qyzdyŋ äkesın jergılıktı äkımdık Galkin atyndaǧy mektepte ot jaǧuşy bolyp jūmysqa ornalastyrǧan. BAQ-ta mektep direktorynyŋ jūmystan “quylǧany” turaly derekter tarauda. Al audandyq bılım bölımı būl aqparatty rastamady.
"Faktı anyqtalǧannan keiın direktor jūmysta boldy. Işkı tekseru boldy. Sodan keiın ol uaqytqa eŋbekke jaramsyz demalysyna kettı. Eŋbekke jaramsyzdyq paraǧy şyqqan soŋ öz erkımen aryz jazdy", – dep tüsındırdı audandyq bılım bölımınıŋ basşysy Maralbek İtemgenov.Aita keteiık, būl Şarbaqty audanynda jasöspırımderdıŋ jüktı boluynyŋ ekınşı oqiǧasy bolyp şyqty.
Ūqsas jaŋalyqtar
