2024 jyldyŋ 29 aqpan künı «Atamūra» baspa korporasiiasy jalǧan aqparatqa qatysty mälımdeme taratty, dep habarlaidy "Adyrna" tılşısı.
Äleumettık jelıdegı paraqşasynda Dosai Kenjetai "Älıppege" qatysty jazba jariialaǧan.
Avtordyŋ «Qaitqan «Älıppe» dep mysqyldaǧan kıtap Oqu-aǧartu ministrlıgı ūsynǧan, jalpy bılım beretın mekteptıŋ 1-synybyna arnalǧan «Atamūra» baspasy şyǧarǧan «Älıppe» emestıgıne nazar audartqan bolatyn.
«Älıppe» atauymen şyqqan kıtapşa qoldanystaǧy, bırneşe saraptamadan ötken, ministrlık maqūldaǧan «Älıppe» bolmaǧandyqtan Dosai Kenjetaidyŋ «Qaitqan «Älıppe» turaly» dep jazǧany jalǧan aqparat taratu ekendıgın körsetken.
"Atamūra" baspasy Dosai Kenjetaidyŋ feisbuktegı paraqşasynan «Qaitqan «Älıppe» turaly» 2022 jyldyŋ 8 qaraşasynan 2024 jyldyŋ 3 nauryzyna deiın äleumettık jelıde jūrtşylyqty şulatqan jalǧan aqparatyn jäne oǧan jazylǧan kommentariilerdı zaŋdy türde notarialdy rastatyp, bekıtıp alǧan bolatyn. Al avtor äleumettık jelıdegı jazbasyn tek 2024 jyldyŋ 3 nauryzy künı ǧana alyp tastady.
"Atamūra" baspasy Dosai Kenjetaidyŋ öz qatelıgın tüsıngendıgın jäne onyŋ da ūstaz ekendıgın eskerıp, jalǧan mälımet taratuşyny sot aldynda jauapqa tartu nietın özgerttı.
Aldaǧy uaqytta kıtap şyǧaru arqyly otandyq bılım, mädeniet pen ädebiet salalaryna üles qosyp otyrǧan ıskerlık äreketterıne jala jabylyp, jalǧan pıkır körınıs bergen jaǧdaida öz qūqyǧyn zaŋǧa jügınu arqyly qorǧaityndyǧyn mälımdedı.
Ūqsas jaŋalyqtar
