28 qańtar kúni Túrkııada bolǵan shirkeýdegi atysqa qatysy bar degen kúdikpen 47 adamdy ustaǵan. Olardyń arasynda Reseı azamaty da bar. Bul týraly Túrkııa Ishki ister mınıstrliginiń basshysy Álı Erlikaıa málimdedi, dep habarlaıdy “Adyrna” ulttyq portaly.
«Shirkeýge qarýly shabýyl jasaý týraly isti tergeý aıasynda 30 mekenjaı boıynsha operaııalar júrgizildi, nátıjesinde 47 adam ustaldy. Onyń ishinde bir Reseı azamaty jáne bir Tájikstan azamaty bar. Olardyń «Islam memleketine» (Qazaqstanda tyıym salynǵan uıym ) qatysy bolýy múmkin», - dedi ol.
Mınıstrdiń aıtýynsha, ustalǵandar qaýipsizdik basqarmasyna jetkizildi, olardan tótenshe jaǵdaıǵa qatysty jaýap alynady.
«Ystanbul ǵasyrlar boıy ártúrli konfessııanyń ókilderi úshin pana boldy, aldaǵy ýaqytta da solaı bolyp qalady. Biz elimizdegi beıbitshilik pen tynyshtyqty buzǵysy keletinderge eshqashan jol bermeımiz», - dep atap ótti Álı Erlikaıa.
Eske salaıyq, jeksenbi kúni tańerteń eki qarýly adam Ystanbuldaǵy hrıstıan shirkeýinde oq jaýdyrǵan. Oqıǵa kezinde bir adam qaza tapqan bolatyn.
