Sháken Aımanov atyndaǵy «Qazaqfılm» akıonerlik qoǵamynyń prezıdenti Azamat Satybaldy Instagram paraqshasynda ózine qatysty ótkizilgen sherýge qatysty málimdeme jasady, dep habarlaıdy “Adyrna” ulttyq portaly.
Kınostýdııa basshysy bul áreketti aıaqtan shalý dep esepteıtin kórinedi.
“Eı, pendem. Er jigittiń babyn alsań da, basyndaǵy baǵyn ala almassyń. Sony umytpa. Jala jabý. Aıaqtan shalý. Jumys jasatpaý. Kóre almaýshylyq. Bir-eki kúnde maqalam shyǵady. Tolyq jaýap sol jaqta bolmaq. Allaǵa amanat”, – dep jazdy Azamat Satybaldy.
Aıta keteıik, «Qazaqfılm» kınostýdııasynyń qyzmetkerleri bir jyldan beri eńbekaqylaryn ala almaı, narazylyq sherýge shyqqan. Anımatorlardyń qara terge batyp birneshe jyl boıy istegen týyndylarynyń biri — «Altyn adam» atty tolyq metrli mýlt jobasy byltyr tolyq aıaqtalypty. Biraq memleketten bólingen tıisti qarajat áli kúnge deıin qyzmetkerlerge berilmegen.
Azamat Satybaldynyń jelidegi paraqshasyna jarııalaǵan málimdemesine Qazaq anımaııa shyǵarmashylyǵynyń redaktory Erlan Tóleýtaı pikir bildirdi.
“Eı, pendem", – dep azalanypty Azamat Satybaldy, – aldyńkúni jýrnalıster kelgende tyǵylyp qalǵan kabınetinen endi Qudaı bolyp kúńirene sóılep.
Akterliginde shek joq eken shynynda, aldynda ǵana anımatorlar kelip aqyryp teńdik suraǵanda qaıda tyǵylaryn bilmeı, kúıki pendeniń kúıin keshken Azamat endi Qudaı bolyp kúńirenip otyr. O, toba, Ahmet Baıtursynov, Muqaǵalı Maqataev obrazdaryn óltirip somdap tastaǵan soń, endi Qudaıdyń rólin oınaýǵa kóshipti. Bul jóninen adamzat tarıhynda Qudaı rólin somdaǵan tuńǵysh aktersiń, Azamatjan”, dep jazdy Erlan Tóleýtaı.
Jeli qoldanýshysy Danııar Jetimekov te Azamat Satybaldynyń naqty suraqtarǵa jaýap berýin qalaıdy.
“Eı, pendem” nesi?! Sharıǵatpen, paıǵambar sózimen jaýap bergeni qaı sasqany? Resmı jaýap qaıda? Aqsha qaıda? Eldiń jalaqysy qaıda? Qazaqfılmniń turaqtarynda Qytaı kólikteri nestep tur? Sonda dúıim eldiki qate de, shalaqazaq orynbasary ekeýiniki durys pa? Buny ne din, ne jyn ıektegen”, dep jazdy ol.
