Äleumettık jelıde tanymal jurnalist, telejürgızuşı Läilä Sūltanqyzynyŋ joldasy Qairat Berkınbaevtyŋ ömırden ötkenı turaly suyr habar tarady, dep habarlaidy "Adyrna" ūlttyq portaly.
Suyt habardy prodiuser Jan Mūqanov özınıŋ Instagram paraqşasynda jazdy.
"Bügın bız jaqyn dosymyz Berkenbaev Qairat Şerälıūlynan aiyryldyq. Jüregı toqtap qaldy. Eŋ jaqyn dosym ärı ärıptesım – Läilä Sūltanqyzyna köŋıl aitamyn. Bekem bol, dosym. Jaqsy adam, küieu, äke jäne dos bolyp edı, jany Jännatta bolsyn", – dep jazdy Jan Mūqanov özınıŋ Instagram paraqşasyna.Qaiǧyly qazaǧa ekonomist, bloger Däulet Mūqaev te köŋıl aitty.
"Bügın taŋǧy uaqytta Qairat Berkınbaev dünieden ozdy. Qairat aǧany bırneşe ret körgenmın. Öte biiazy, sabyrly adam edı. Beldı käsıpker, öz ısınıŋ mamany edı. Ärı talai qaiyrymdy ıs jasap, qaiyrymdylyqtyŋ jarşysy bolyp jüretın. Az söilep, köp ıs tyndyratyn. Janyŋyz jännatta bolsyn! Läilä Sūltanqyzy, bekem bolyŋyz! Otbasymyzben qaiǧyryp köŋıl aitamyz", – dep jazdy Däulet Mūqaev.Qairat Berkınbaev – käsıpker, Qazaqstan Respublikasy Prezidentı Is basqarmasynyŋ Medisinalyq ortalyǧy "Oqjetpes" emdeu-sauyqtyru keşenı AQ prezidentı. 2019 jyly Qazaqstannyŋ Täuelsızdık künı qarsaŋynda III därejelı "Barys" memlekettık ordenımen marapattalǧan.
Läilä Sūltanqyzy Sputnik Qazaqstan portalyna bergen sūhbatynda joldasy jaily:
"Men tūrmysqa şyqqan kezde küieuım ajyrasqan bolatyn. Maǧan deiın onyŋ ekı nekesı bolǧan. Būl turaly būǧan deiın de aitqanmyn, jasyrmadym. Būl – taǧdyr. Tūrmysqa şyqqan kezde küieuımnıŋ aldyŋǧy nekeden balalary boldy. Kışı qyzy 5 jasta, ülken ūldary jasöspırım boldy. Balalardyŋ janyna jaraqat salmau üşın menıŋ qoǧamdyq ömırımde körsetpeitın bolyp kelıstık. Būl dūrys şeşım bolatyn. Balalar östı, olarmen jaqsy aralasamyz, qūda-qūdaǧidyŋ barlyǧyn tanimyn", - degen edı.
"Adyrna" ūlttyq portaly
Ūqsas jaŋalyqtar
azal
Läilä Sūltanqyzy
telejürgızuşı läilä sūltanqyzy
Qairat Berkınbaev\
Läilä Sūltanqyzynyŋ küieuı ömırden ozdy
