Jýrnalıst Danııar Ádilbekovtiń qylmystyq isi Astana sotyna jiberildi, dep habarlaıdy “Adyrna” ulttyq portaly Press.kz-ke siltep.
«Is qaralý úshin Astana qalasynyń qylmystyq ister jónindegi mamandandyrylǵan aýdanaralyq sotyna jiberildi. Biraq maǵan aýystyrý týraly resmı habarlama men aıyptaý aktisi kelgen joq. Bul prokýror tarapynan óreskel zańbuzýshylyq», - deıdi jýrnalıstiń advokaty Ádiljan Maýytqanov.
Basylym Ádilbekovke úsh bap boıynsha aıyp taǵylǵanyn atap ótti.
«Sońǵy málimetterge sáıkes, onyń vıe-mınıstr Erlan Aqkenjenovke qatysty jazǵany jalǵan aıyptaý dep baǵalanyp otyr, al jýrnalıst Gúljan Erǵalıevanyń Astana áýejaıyna qatysty jarııalaǵany - ádeıi jalǵan aqparat taratý dep baǵalandy», - delingen habarlamada.
Esterińizge sala keteıik, buǵan deıin jýrnalıst Mıhaıl Kozachkov Ádilbekovtyń ustalǵany týraly habarlaǵan bolatyn, onyń málimeti boıynsha, «áńgime Telegram-daǵy «Dıkaıa Orda» anonımdi arnasynda vıe-mınıstrlerdiń biri týraly jarııalanymdar týraly bolǵan».
