"Týǵan jerdeı jer bolmas", – dep dana babalarymyz bekerden aıtpaǵan. Adam balasy úshin bul ómirde óziniń týyp ósken jeriniń orny árqashanda bólek. Ótken estelikter, qazirgi sát, armandaǵy bolashaq, bári týǵan ólkemen baılanysty. Árbir aqyn óziniń týǵan ólkesin jyrǵa qosyp jyrlasa, sýretshiler sýret arqyly týǵan jerdiń peıishpen teń ekeniń óz týyndylarynda kórsetken. Solardyń ishinde Bákir Tájibaev jyrlaǵan myna bir shýmaqtary oıyma oralady da turady: Qaıda júrsem, týǵan jerim, Sen esimnen shyǵarmysyń! Jastyq dáýren qurǵan jerim, Kóz aldymda turarmysyń! Týǵan jer jaıly jyr da, qara sózben jazylǵan shyǵarmalar da árbir halyqtyń ádebıetinde mol. Budan biz ár halyqtyń týǵan jerin ardaq tutyp, anasyndaı qasterleıtinin baıqaǵandaımyz. Bizdiń xalqymyz týǵan jerdiń qadirin jas urpaqtyń boıyna, bala kezinen sanasyna sińirýge umtylǵan. Ata-anasy, týǵan-týystar, qurby-qurdastary, barlyq dostarynyń týyp ósken jeri, bastaryn biriktiretin shaǵyn Otan ol – Týǵan jer. Bizdiń memleketimiz kóp ultty memleket, osy ulttardy biriktiretin Otan. Al Otan men Týǵan jer egiz uǵym.
Babalarymyz qaldyrǵan ulan-asyr jerdi, asqar taýdy, sarqyrap aqqan kól-ózendi qorǵap, maqtan etip, bizge muraǵa qaldyrǵan. Al biz, jas urpaq – óz tarapymyzdań otanshyldyq rýx pen týǵan jerge maxabbat sáýlesin shashýymyz kerek. Elimizde jyl saıyn jastardy Otanyń , Týǵan jerin súıýge shaqyratyn is-sharalar uıymdastyrylyp otyrady. Solardyń biri "Adyrna" ulttyq-etnografııalyq birlestiginiń uımdastyryp jatqan "Týǵan jer" patrıottyq shyǵarmashylyq baıqaýy. Jobanyń basty maqsaty jastardy Otanyń, Týǵan jerin súıýge shaqyrý. Elimizdiń bolashaǵy jastardy patrıottyqqa bastaıtyn, baýlıtyn aıbyndy azamattyq rýxy bar urpaq tárbıeleý, otan týraly úgit-nasıxat jumystaryn úzbeı júrgizip turý qajet.
Symbat Juldyzbaı
