Abaı oblysynda jalǵan dıplommen jumysqa ornalasqan «Semeı ormany» rezervaty qyzmetkerleri anyqtaldy. Bul týraly prokýratýra málimdedi, dep habarlaıdy “Adyrna” ulttyq portaly.
Mamandandyrylǵan tabıǵatty qorǵaý prokýratýrasy joǵary oqý oryndaryn bitirgeni týraly jalǵan dıplomdarmen jumys istegen Rezervattyń 5 qyzmetkerlerin, onyń ishinde bir fılıal basshysyn anyqtaǵan.
«Semeı qalasynyń Shákárim atyndaǵy ýnıversıtettiń málimetine sáıkes atalǵan qyzmetkerlerge dıplom berilmegen. Osy faktiler boıynsha QK 385-babynyń 3-bóligi (jalǵan qujattardy jasaý, daıyndaý nemese ótkizý) boıynsha sotqa deıingi tergep-tekserýler bastalyp, materıaldar proessýaldyq sheshim qabyldaý úshin polıııaǵa joldandy», – delingen prokýratýra taratqan aqparatta.
Buǵan deıin «Semeı ormanynyń» órtengen qalyń qaraǵaıy júzdegen mıllıonǵa satylyp jatqany habarlanǵan. Habarlandyrý memlekettik aýkıon saıtynda paıda boldy. Aýkıon saıtynda birden 30 lot jarııalandy. Órtengen aǵash ýchaskeleriniń baǵasy 30 mln teńgeden 150 mln teńgege deıin barady. Satýshy – Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń "Semeı ormany” memlekettik orman tabıǵı rezervaty.
Eske sala ketsek, 2023 jyly 8 maýsymda “Semeı ormany” rezervaty aýmaǵynda órt bolyp, saldarynan 14 adam qaza tapqan edi. 9 maýsym kúni keshke qaraı onyń aýmaǵy 60 myń gektarǵa deıin ulǵaıyp úlgerdi. Qaraly qaıǵyǵa baılanysty 12 maýsym elimizde Aza tutý kúni bolyp jarııalanǵan.
Abaı óńirindegi el tarıhyndaǵy eń iri órtke baılanysty tótenshe jaǵdaılar mınıstrliginiń basshysy Iýrıı Ilın qyzmetinen bosatylyp, onyń ornyna Syrym Sháriphanov taǵaıyndaldy (qazir ol da bul qyzmette joq).
