Órt sharpyǵan aýmaq 60 myń gektardan asty. Úkimette Premer-mınıstr Álıhan Smaıylovtyń tóraǵalyǵymen ótken keńeste Abaı oblysyndaǵy iri tabıǵı órtpen kúresý sharalary talqylandy, dep habarlaıdy "Adyrna" ulttyq portaly Úkimettiń Telegram paraqshasyna silteme jasap.
Qazirgi kezde órttiń jalpy aýdany 60 myń ga-dan asady. TJM derekterine saı, alpaýyt órt Talıa, Kashtak, Baryshevka, Ýspenka, Podnebesnoe jáne Kamyshenka eldi mekenderine qaraı úsh baǵytta taralyp jatyr.
Ony sóndirýge TJM, Qorǵanys mınıstrligi, IIM, ETRM jáne jergilikti atqarýshy organdardyń kúsh-quraldary jumyldyrylǵany aıtyldy.
800-ge maman adam, 190 tehnıka jáne 8 tikushaq tartylǵany habarlandy.
Sonymnen qatar, otyrysta alpaýyt órt sharpyǵan aýdandy qalyń tútin basqanymen, tilsiz jaýdyń lapyldap janyp jatpaǵany baıandaldy. Jalynnyń basylýyna aýa raıy, túnde jáne tańerteń sirkirep jaýǵan jańbyr áser etken.
Eldi mekenderge tóngen qaýip-qaterdiń seıilgeni habarlandy.
Premer-mınıstr Eńbek jáne halyqty áleýmettik qorǵaý mınıstrligi, Densaýlyq saqtaý jáne Ishki ister mınıstrligi ókilderine birqatar tapsyrmalar berdi.
"Adyrna" ulttyq portaly
