«Asarlyqtar» tazalyq jūmystarynda belsendılık tanytty

Bügın Şymkentte «Taza Qazaqstan» respublikalyq ekologiialyq aksiiasy ūiymdastyryluda. Oǧan qalanyŋ soltüstık aumaǧynda ornalasqan Asar şaǧyn audanynynyŋ tūrǧyndary da belsendılık tanyttyp, Memleket basşysynyŋ «Taza Qazaqstan» ideiasyn qoldaityndyqtaryn körsettı. Asar şaǧyn audany qalanyŋ şetkı aumaqtarynyŋ bırı. Mūnda tūrǧyndar üşın 2 demalys aimaǧy jäne köşelerde sändık aǧaştar men gülzarlar arnaiy mekeme qyzmetkerlerınıŋ kündelıktı qadaǧalauynda. Ekologiialyq mädeniettı qalyptastyru men halyqtyŋ tabiǧatqa degen süiıspenşılıgın oiatu maqsatynda ūiymdastyrylǧan şaraǧa 200-den asa Asarlyq tūrǧyndar arnaiy memkeme qyzmetkerlerımen qosylyp şaǧyn audandaǧy ortalyq alleianyŋ jäne köşe boiyn tazalap, tūrǧyndardy tazalyq mädenietın saqtauǧa şaqyrdy. «Osyndai qoǧamdyq ıs-şaralarǧa bükıl otbasymyzben bırge qatysyp, aulalardyŋ tazalyǧyna, qalamyzdyŋ tazalyǧyna ünemı atsalysyp kelemız. Özımızben bırge nemerelerdı de tazalyqqa bauludamyz. Öskeleŋ ūrpaqqa önegelı ülgı körsetu ärbır ata-äjenıŋ mındetı, bügın de ekı nemeremmen bırge tazalyq aksiiasyna qatysyp otyrmyz» deidı bügıngı ıs şaraǧa nemerelerımen bırge qatysqan Asarlyq tūrǧyn Ūlbosyn Aitqūlova. Tūrǧyndar alleiadaǧy gülderdıŋ aram şöpterın otady, aǧaştardy būtap, tüpterın äktedı. Memleket basşysynyŋ bastamasymen säuır aiynan bastap Asar şaǧyn audanynda bırneşe ret tazalyq aksiiasy ūiymdastyryldy. Oǧan tūrǧyndar belsendı qatysyp keledı. Būl aksiianyŋ maqsaty tek tazalyq jūmystaryn jürgızu ǧana emes, tūrǧyndardyŋ tazalyq mädenietın de nasihattau. Bız audandyq ardagerler keŋesı är ıs şarada osyny nasihattap kelemız deidı audandyq ardagerler keŋesınıŋ töraǧasy Ūlyqpan Başenov. Qala – ortaq üiımız. Sondyqtan, onyŋ körkeiıp, güldenuıne ärbır tūrǧyn bei-jai qaramai, qoqys-qaldyqtardy kez kelgen jerge laqtyrmai, taza ūstauǧa at salysuy qajet.