Kanadada ösken qazaq jıgıtı Jandos Raian araǧa bırneşe jyl salyp biologiialyq anasymen kezdestı, dep habarlaidy "Adyrna" ūlttyq portaly İnformbiuroǧa sıltep.
Şeteldıkter bauyryna basqan qazaq balasy Jandos 10 ailyǧynda şekara asyp ketken. Ony Torontoda tūratyn şeteldık otbasy asyryp alǧan. Kanadalyqtar er jetken ūldarynyŋ qalauyna qarsy şyqpai, Qazaqstanǧa alyp kelgen. Ol 17 jyldan keiın ǧana öz tuǧan jerıne aiaǧyn basty.
"Anam menı tastap ketse de oǧan eş ökpem joq ekenın aitqym keledı. Ony jazǧyrmaimyn da. Taǧdyrdyŋ jazuy solai şyǧar. Al Ata jūrtym menı erekşe ystyq yqylasymen qarsy aldy. Jailauda bolyp, dombyra aspabymen tanystym. Halqym qonaqjai eken", - dedı Jandos.Tuǧanyn körgen qazaq jıgıtı bauyrlarymen de tanysty. Keiınnen säbiler üiıne baryp, özın baqqan tärbieşılermen qauyşty.
"Ol tuǧan anasyn körgısı kele me joq pa özı şeşedı dep keldık. Ūlymyzdyŋ Torontoda qazaq dostary köp. Olarmen jiı kezdesıp, aralasyp tūrady. Sonda dostarynyŋ bırı anasyn tabuǧa keŋes bergen. Bız onyŋ nietın qoldap, Aqtauǧa alyp keldık", - dedı asyrap alǧan anasy şeteldık äiel Şanas Mūhamed.
Ūqsas jaŋalyqtar
