Qazaq medisinalyq üzdıksız bılım beru universitetı bas lisenziiasynan aiyryldy, dep habarlaidy «Adyrna» tılşısı BǦM baspasöz qyzmetıne sılteme jasap.
2020 jylǧy şılde aiyndaǧy tekserıs nätijelerı boiynşa atalǧan universitet lisenziiasynyŋ küşı toqtatylyp, anyqtalǧan būzuşylyqtardy joiuǧa uaqyt berıldı. Alaida, qaita tekserıs jürgızu kezınde Qazaq medisinalyq üzdıksız bılım beru universitetı Komitettıŋ nūsqamalaryn oryndamaǧany jäne zaŋnamany öreskel būza otyryp, jūmysyn jalǧastyrǧany belgılı boldy.
«Bolaşaq därıgerlerge sapaly bılım beru – adamdardyŋ ömırı men densaulyǧynyŋ kepılı. Osy oraida bız sotqa jügınuge mäjbür boldyq. Qazaq medisinalyq üzdıksız bılım beru universitetın jabu mäselesın sot ta, Bılım jäne ǧylym ministrlıgınıŋ Komitetı te qarady. Almaty qalasynyŋ mamandandyrylǧan audanaralyq äkımşılık sotynyŋ qaulysyna säikes Qazaq medisinalyq üzdıksız bılım beru universitetı äkımşılık jauapkerşılıkke tartyldy. Odan bölek, JOO-ǧa aiyppūl salynyp, bas lisenziiadan aiyru turaly şeşım şyǧaryldy», – dedı QR BǦM Bılım jäne ǧylym salasynda sapany qamtamasyz etu komitetınıŋ töraiymy Gülzat Köbenova.Qazaq medisinalyq üzdıksız bılım beru universitetı Almatydaǧy därıgerlerdıŋ bılıktılıgın jetıldıru ūiymynyŋ bazasynda 2015 jyly qūrylǧanyn aita ketken jön. Bügıngı taŋda atalǧan oqu ornynda 3 myŋnan astam student oqidy.
«Elımız boiynşa 14 joǧary oqu orny bolaşaq därıgerlerdı daiyndaidy, onyŋ beseuı Almaty qalasynda ornalasqan. QazMÜBBU-da oqyǧan studentterdıŋ granttary saqtalady jäne olar basqa joǧary oqu oryndaryna auystyrylady. Oqu qūny özgermeidı. Sondai-aq oqytuşylardy jūmysqa ornalastyru mäselesı jeke qarastyrylyp jatyr», – dep atap öttı Gülzat Köbenova.Bas lisenziiadan aiyru turaly sot şeşımı 10 jūmys künınen keiın zaŋdy küşıne enedı jäne joǧary oqu orny bılım beru qyzmetın toqtatuǧa mındettı bolady.
«Adyrna» ūlttyq portaly
Ūqsas jaŋalyqtar
