Astanada ótip jatqan Shanhaı yntymaqtastyq uıymynyń (ShYU) sammıtine Mońǵolııa prezıdenti Ýhnaagıın Hýrelsýh keldi, dep habarlaıdy “Adyrna” ulttyq portaly QR Premer-Mınıstriniń baspasóz qyzmetine siltep.
«Mońǵolııa prezıdenti ShYU sammıtine Astanaǵa ushyp keldi. Ýhnaagıın Hýrelsýhty elorda áýejaıynda QR Premer-Mınıstriniń orynbasary Ǵalymjan Qoıshybaev kútip aldy», - delingen sársenbi kúni taratqan habarlamada.
Mońǵolııa prezıdenti 3-4 shildede Astanada ótetin ShYU sammıtine qatysady.
«Mońǵolııa 2004 jyly ShYU-da baqylaýshy mártebesin alǵan alǵashqy memleket. Sodan keıin qaýymdastyqtyń geografııalyq keńeıýi oryn aldy, bul ShYU-nyń halyqaralyq bedeliniń ósýiniń dáleli boldy», - delingen habarlamada.
Mınıstrler kabınetinde atap ótilgendeı, Qazaqstan-Mońǵolııa yntymaqtastyǵy aıasynda dástúrli dostyq saıası qarym-qatynastardan basqa, saýda-ekonomıkalyq saladaǵy ózara is-qımyl ekijaqty yntymaqtastyqtyń berik negizi bolyp tabylady.
«2023 jyldyń qorytyndysy boıynsha ekijaqty taýar aınalymy 2022 jylmen salystyrǵanda 27,7%-ǵa óskenin kórsetip, 133 mln dollardy qurady», - dep túsindirdi úkimet.
