20 mausymda Qazaqstan Respublikasynyŋ Moŋǧoliiadaǧy Tötenşe jäne Ökılettı Elşısı Almas Seitaqynov Moŋǧoliia prezidentı Uhnaagiin Hurelsuhqa senım gramotalaryn tapsyrdy, dep habarlaidy “Adyrna”.
Prezident Uhnaagiin Hurelsuh Moŋǧoliia men Qazaqstan arasynda 1992 jyly diplomatiialyq qatynastar ornaǧan sätten bastap "Strategiialyq ärıptestık" deŋgeiınde ekıjaqty qatynastar men yntymaqtastyqtyŋ keŋeiıp kele jatqanyn atap öttı.
Moŋǧoliia Memleketınıŋ basşysy Qazaqstannyŋ jaŋa Elşısın ekı el basşylary qol jetkızgen uaǧdalastyqtardy ıske asyruǧa, ekı el arasyndaǧy tauar ainalymyn arttyruǧa, Moŋǧoliia men Qazaqstandy jalǧaityn eŋ qysqa joldy qūruǧa jäne Moŋǧoliia-Qazaqstan Ükımetaralyq komissiiasynyŋ tūraqty otyrystaryn ötkızuge küş saluǧa şaqyrdy.
Öz kezegınde Elşı Almas Seitaqynov özınıŋ diplomatiialyq missiiasy kezınde ekı el arasyndaǧy strategiialyq ärıptestıktı barlyq salalarda keŋeituge jäne özara tiımdı ekonomikalyq yntymaqtastyqty damytuǧa küş saluǧa daiyn ekenın bıldırdı.
