Qyrǵystanda uıymdasqan qylmystyq toptyń múshesin ólimshi etip soqqyǵa jyqqan eki kúdikti ustaldy. Olar Qazaqstanǵa qashpaq bolǵan, dep habarlaıdy “Adyrna” ulttyq portaly Kaktus.media redakııasyna silteme jasap.
Aıta keteıik, 13 qańtarǵa qaraǵan túni saǵat 01:26-da Osh qalasynyń ortalyǵynda uıymdasqan qylmystyq top músheleri arasynda qylmystyq tóbeles bolǵan. Uıymdasqan qylmystyq toptyń bir múshesi armatýramen uryp óltirilse, ekinshisi jansaqtaý bóliminde jatyr.
Uıymdasqan qylmystyq toptyń bes múshesine izdeý jarııalandy. Al buǵan deıin uıymdasqan qylmystyq toptyń jetekshisi, Djengo laqap aty Qadyr Dosonov ustaldy. Bul derek Osh qalalyq ishki ister basqarmasyna «Adam óltirý» baby boıynsha tirkeldi.
14 qańtarda júrgizilgen jedel-izdestirý is-sharalary barysynda Ishki ister mınıstrliginiń qyzmetkerleri Shý oblysy aýmaǵynda shekarany kesip ótpek bolǵan kezde buryn izdeýde júrgen Korgonbaı uly Elaman men Raıymberdi uly Aqylbekti ustady. Qalǵan kúdiktilerdi izdeý jalǵasýda.
