Keshirgen joqpyz. Saltanat Núkenovanyń týystary úndeý jasady

1591
Adyrna.kz Telegram
Ashyq derekkózden
Ashyq derekkózden

Eks-mınıstr Qýandyq Bıshimbaevtyń soqqydan qaza tapqan áıeli Saltanat Núkenovanyń týystary úndeý jasady, dep habarlaıdy "Adyrna" tilshisi.

Marqum Saltanat Núkenova jubaıy, burynǵy ekonomıka mınıstri Qýandyq Bıshimbaevtyń qolynan qaza tapqan bolatyn.

Eks-mınıstr 9 qarasha kúni "Bau" meıramhanasynda ustalyp, "kúdikti" retinde eki aıǵa qamaýǵa alyndy.

Marqumnyń týystary Núkenovanyń óliminen keıin halyqqa úndeý jasady.

‼️ÚNDEÝ

Qadirli dostar, qymbatty qazaqstandyqtar.
Qyzymyz Saltanattyń aıýandyqpen óltirilýine baılanysty kóńil bildirgenderińizge shyn júrekten alǵysymyzdy aıtamyz. Sizderdiń jazǵan qoldaý pikirlerińizdi, shalǵan qońyraýlaryńyzdy, habarlamalaryńyzdy, bildirgen kóńilderińizdi kórip otyrmyz.
Biz zorlyq-zombylyq pen adam ólimine tózbeıtin qoǵamda ómir súrip jatyrmyz.

Sondyqtan osy oqıǵa respýblıka turǵandaryn dúr silkindirdi. Saltanattyń qazasy álsiz adamdarǵa jasalatyn álimjettikke qarsy kúrestiń sımvolyna aınaldy.

Marqum qyzymyzdyń topyraǵy sýymaı jatyp, áleýmettik jelilerde ártúrli alyp qashpa áńgimeler men ósekter taraı bastaǵany janymyzǵa qatty batty.

Keıbir jýrnalıster men blogerler osy oqıǵadan ózderine arzan abyroı men jalǵan ataq jınaýǵa kóshipti. Osyǵan baılanysty bizdiń áýletti qandyqol qylmyskerdiń týystarymen ymyraǵa kelipti degen qanqý sózderde paıda bolypty. Biraq bul shyńdyqqa sáıkes kelmeıdi.

‼️Biz eshkimdi keshirgen joqpyz.

Myńdaǵan adam qaıǵymyzǵa ortaqtasyp, shyn kóńilderin bildirip, bizdi jubatyp jatyr.
Asa qatigezdikpen jasalǵan bul qylmystyq isti jeke baqylaýyna alǵan el Prezıdentine erekshe alǵysymyzdy bildiremiz.

Búgingi kúni tergeý organdary tarapynan qylmysty ashý boıynsha keshendi sharalar júrgizilýde. Prezıdenttiń pármenimen bul oqıǵa erekshe tergeletin is bolyp tirkeldi. Qazirgi ýaqytta sol túngi qylmystyń qalaı órbigeni búge-shigesine deıin naqtylanýda.

Biz osy qylmystyń kýágerleri bar jáne olar qylmysty ashýǵa kómektesedi dep senemiz. Eger qandaı da bir osy qylmys týraly aqparattar men aıǵaqtardy bilseńiz polıııaǵa nemese bizdiń qorǵaýshylarymyz: I O. Vranchev jáne J.M. Orazbaqovaǵa habarlasýyńyzdy suraımyz.

Eger sizdiń qylmystyq iske qatysty mańyzdy aqparatyńyz bolsa, biraq jeke basyńyzdyń qaýipsizdigi úshin sekemińiz bolsa, sizge zań júzinde memleket tarapynan qorǵaý kepildigi bolady.

Elimizde osyndaı jan túrshigerlik qylmystarǵa tózbeý qaǵıdasyn ustanyp, bizdiń áýlettiń qaıǵysyna ortaqtasyp, jany kúıgen jurtshylyqqa, kúızelgen kópshilikke rızashylyǵymyzdy bildiremiz.

Núkenovter áýleti

Eske sala keteıik, Saltanat Núkenovany jerleý rásimi  10 qarasha kúni ótti.

Pikirler